We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Asu werd des nix

by Wolfgang Buck

/
1.
Old 02:41
old mer is su weich wie mer siech schbüld mer is su dood wimmer siech killd mer is zergnaudschd wimmer siech knülld doch ned su jung wie mer siech fühld mer is su falsch wie mer siech schbield su vuller rädsl wie mer siech verhülld mer is su faldich wie mer siech grilld doch ned su jung wie mer siech fühld a jeder meecherd ewich lehm obber old will kaaner saa doch wer scho jung a debb is werd aa als greis ned gscheider saa hasd du als junger ka gudes herz wersd aa im alder bidder saa sin dir dei lebdooch alle worschd wersd aa am end rechd einsam saa mer is su kold wie mer sich kühld mer is su einsam wie mer sich brülld mer is su hard wie mer siech drilld doch ned su old wie mer siech fühld alle rechte wolfgang buck
2.
asu werd des nix scho als kind hams miech im dorf in herrn brofesser gnennd iech hob alle bicher glesn iech hob alle länder kennd doch vom hämmern und vom sähng und vom kehrn hob iech miech driggd hob lieber mei gehirn beweechd als mei finger eigezwiggd iech hob immer gummischdiefl drohng odder iech bin barfäss gsabbd wall fiers bindn vo mei schuh do hob iech 10 dauma ghabbd doch däfier hob iech in huckleberry finn kennd und hob gwissd wimmer mississippi schrabbd und wimmer landkardn liesd doch die leid ham gsachd a su werd des nix naa a su werd des nix des wassi scho im vuraus wos des wird a su werd des nix a su werd des nix vo allerweidn sichdmer scho a su werd des nix manche leid ham gsachd allmächd wi der a schaufl häld schaunerhie wi der draamer siech bom ärbädn ohschdelld allmächd der stelld si o wi der hund zum eierlehng der is zu bleed zum schdrassnkiern zum haggn und zum sähng den kärädn sei schlaua bicher afm kubf naufgschlohng wu kummern bloß die flausn her midsamd die dumma frohng hobb schickdnern lieber in di schull und in di weide weld bevurer ieberschnabbd und nu der wadschnbaam umfälld drodz hemingway und ludder drodz freud und robinson drodz dylan und drodz ginsberg is as dem buum wos worn di 10 dauma die schbieln middlerweil ganz annehmbor gidann a wenni immer nu ned ohne gfohr wos hämmern kann und wenni durch mei heimod geh dann grüßn mi di gsichder und sohng schahie do leffd der bugg der sänger und der dichder der schdammd fei raus as unsern dorf as buschndorf bo fädd iech hobbs scho immer gsachd däss as dem buum amol wos wärd alle rechte wolfgang buck
3.
wenn di party verbei is wenn di party verbei is fließd der golfschdrom annersch rum und in olde berchwergsschdolln rosdn fässer mid bludonium wenn di party verbei is wenn di party verbei is wenn di party verbei is raama andre fier uns zam unsre leergfressna bladdn wummer schdehglassn ham di oldn grädn und karkassn leere flaschn dreggerds bschdegg ausdrüggde kibbm in kaffedassn di kinner und enkl ramers wech wenn di party verbei is wenn di party verbei is wenn di party verbei is ham in koder andre leid die aan ham gfressn und ham gsuffm doch di junga die ham gschbeid die aan ham gfressn und ham gsuffm doch di junga die ham gschbeid wenn di party verbei is wenn di party verbei is wenn di party verbei is verbei is verbei is alle rechte wolfgang buck
4.
verwaldungsangeschdellde maier brumm verwaldungsangeschdellde maier brumm du schdachlginsder vom gymnasium vur dier rudschn alle am budn rum bloß zu mier bisd du immer su nedd warum iech frooch miech wann griechidi endlich rum quäl miech bidde aa asu wi is kollechium warum blabbd bo mier dei böse goschn schdumm warum bidde sooch mers warum warum warum warum warum warum warum di kinner waddn schdundlang vur deine halln vo drinna heärns gläser glirrn und korgn knalln doch wer hoggd ned gern mid gänshaud vur deiner dier und lässd si drangsäliern odder nauskomblimendiern ob bladdzwundn odder drümmerbruch ob dedanus odder magndurchbruch woschd du lässd an jedn vur dein dresn schdeh du kannsd ja schließlich auch nichd einfach hamgeh dei chef küssd dir deine hoha haggn und ignorierd beflissn dei sadisdischn maggn gehorsam erfüllder dier an jedn wunsch wall er zidderd vur dier und deim bludrodn flunsch du häldsd nichd viel von kuschlbädagogigg, sondern führsd alle mid deiner herbm erodigg bloß bo mier bisd du süß wi rosa zuggerguss wos hobbi bloß du däss iech su leidn muss frau maier brumm alle rudschn am budn rum wann griechidi endlich rum verwaldungsangestellde maier brumm warum warum alle rechte wolfgang buck
5.
Des Glügg 04:45
des glügg und wenn is glügg diech schdraafd dann schbiersders ned und wenn di musigg flüsderd heärsders ned wall du horchsd immer nach vorn und du maansd dei glügg kummd morng und wenn der wind diech schdreichld merksdnern ned und wenn die wiesn dufd na riechsders ned wall du suchsd dei lehm weid fodd ned do und heid sondern morng un dodd doch wos heid morng is is morng heid und wennsd wu annersch bisd dann bisd a widder wu do der selbe scheiss und wenn der dooch siech schee machd sixders ned und wenn dei kinner lachn na freisdi ned wall du schausd immer nach vorn und du maansd dei glügg kummd morng und wennsdu afm weech bisd gfällderder ned und wennsd am ziel bisd indressierds di ned wall du suchsd dei lehm weid fodd ned do und heid sondern morng un dodd und wenn is glügg diech schdraafd dann schbiersders ned und wenn di wolgn flüsdern heärsders ned wall du horchsd immer nach vorn und du maansd dei glügg kummd morng alle rechte wolfgang buck
6.
genausuviel debbm gehdner bloß haam mid dem frangn do gibbds genausuviel debbm wi wu annersch heärdmer auf mid dem kees mid deena gleeßglischees wall grod die wu di schlimmsdn dinger dreim die verschdeggn si hinder di budznscheim di ganz frangnbagoosch, dialeckd mi am orsch schahie wi is graud und di brodwäschd dambfm wus am heimadohmd alle nundermambfn und ohm drieber do hängd di frangnflaggn su weiß wi di grähng und su rod wi di baggn bom bau vom neia gewerbegebied hams in wiesngrund akurad zubedonierd und däss die weider drund ned am hochwasser freggn bloners hinderm dorf a rügghaldebeggn un edz weihers den ganzn grembl ei a gedenkschdaa middn wabbm is aa däbei und na denners di schdimmung ganzergoä verhunzn un es schbieln di frängischn bressaggblunzn bom bayrischn rundfunk schdudio frangn bringers die ganzn geisdesgrangn di glubberer und di 2 fädder bleedl grimassnschneider und bolidiggerschädl di faschingsderrorisdn und di frangnbardn wu scho 100 joä af endeggung wardn di heimooddichder und in singendn bfarrä, di mundoordbolizei und di annern schmarrä di ganz blosn sehngmer in der frangnschau zwischä babberdecklfachwerg und jäächerzau und am end hulmer dann in großn kärcher und schwemmermers naus na is aus middn ärcher alle rechte wolfgang buck
7.
Lieber Godd 04:44
lieber godd lieber godd bisd edz aa widder in mussd rechd viel erduld. ladeinischs murmln schdeichd auf vom aldar umhülld vo weihrauchwolgn is broseggogeschwader drächd heid underm fragg gänsehaud mer is widder ergriffm im land vo der eichna ergriffnheid bom eventhopping lichd a audienz rangmäßich ziemli weid vorn schdadd wiesnbier gibbds heid heilichn geisd statt speed an hauch ewichkeid und wall des ganze seid 2000 joä als hierarchie funktionierd zeich uns o herr auch im übrichn lehm wummer buggln und wummer draufdredn solln und ieber nachd erscheind ganz in groß die schdimme des herrn und jubilierd mier sin edz babsd des heärn alle gern zwischer gleinhirnvermüllung und der endhüllung wer had mid wem kobulierd werd is volk mid heilichn fusl sedierd lieber godd bisd edz aa widder in mussd rechd viel verkrafdn zwischer obtionsschein und heilichn gral dorkld di kaschberwallfardd di bildzeidung verramschd goddes word wi immer von wahrheid beseeld und wischd sich gaafer blud und glibber vom kinn lieber bigodd bisd edz aa widder in lieber godd bisd edz aa widder in alle rechte wolfgang buck
8.
di oldn schlachdn wassders nu wi dei vadder gsachd had mach dei neechermusigg aus edz gehsd endli zum booder und du den kaugummi gfälligsd raus 6 dooch had mer gärberd und am samsdooch had mer badd und am sunndooch frieh radedzkimarsch asn radioabbarad. des dschingderassa im bierzeld des hadder nie su gfolln wall wenns do a boär seidle ghabd ham sin di gschichdn rausgequolln vo bulverdambf und vo schüdzngrääm und vo abgeschossna baa vom russischn winder in der gfangaschafd und vo brod su hard wi staa. di oldn schlachdn di kamerodschafd und der griech di oldn zeidn und immer widder der verdammde griech du mechersd vurwärds doch sei karussell drehd si im graas sei zeicher schdenna dei zeidn genna und er kennd si nimmer aas den grach wu dei kinner musigg nenna nimmsd du freindli und libera. doch wennsdu a boär rodwein hasd dann wärsd du sendimendal und du derzielsd vo dschimmi hendrix vo eiern kambf gechers kabidal vo haschischschwadn und konsdandin wegger vom sid in middn beder handke im redoudnsaal di oldn schlachdn di kamerodschafd und der griech di oldn zeidn und immer widder immer widder der verdammde griech du mechersd vurwärds doch dei karussell drehd si im graas dei zeicher schdenna di zeidn renna und du kennsd di nimmer aas alle rechte wolfgang buck
9.
ach mier arma raucher ach mier arma raucher däffm nemmer raung däffm nemmer qualmer und di lufd verbraung unsre klaader schdinkn mier grieng raucherbein lungerkrebs dud winkn und uns küssd kein schwein oh sankd philipp morris du hasd machd und geld suviel däss niemols goäris du regiersd die weld schmier die bolidigger füll ihr bobbmernee lass dein geld einsiggern dann werds widder schee alle rechte wolfgang buck
10.
wis weeder werd es kann renga odder schneia es kann hogln odder saia hans bleib do ey hans bleib do es kann dunnern odder blidzn du kannsd nass wern odder schwidzn hans bleib do ey hans bleib do es gibbd erdbehm und lawina es gibbd in wirblschdurm kaddrina vuglgribbm und dsunami und verschimmlde salami hans bleib dou du wassd ja ned wis weeder werd hans bleib dou du wassd ja ned wis werd es gibbd lumbm dieb und raiber es gibbd liederlicha weiber hans bleib do ey hans bleib do es gibbd an haufm driddbreddfohrer schulderklobfer und dünnbreddbohrer hans bleib do ey hans bleib do es gibbd neidhamml und knigger windbeidl und kubfnigger es gibbd ohgeber und waafer und an haufm dreegverkaafer es gibbd die wu heid schee schaua und diech morng in die bfanna haua hans bleib do ey hans bleib do horch du kennersd diech derrenna odder weddn dass verbenna hans bleib do ey hans bleib do vielleichd schdeigsd in falschn zuuch ei odder schbodzns der in gruuch nei vielleichd dusd dei herz verschengn odder dier in mohng verrengn wenn der rehng runderbrausd wenn der schdurm is feld durchsausd bleim di madle odder bumm schee derhamm in ihrer schdumm doch der roberd sachd si naa des muss draußn subber saa und am agger badschder rum middn rehngscherm ummerdumm hey wie bfeifd der schdurm und keuchd däss di baamer runderbeuchd schau in schirm derbaggder wind und der roberd der fliechd gschwind durch di lufd su hoch su weid kaaner heärdnern wie er schreid an die wolkn schdößder scho und sei hud fliechd aa dävoo schirm und roberd die flieng dodd durch di wolgn immer fodd und der hud fliechd weid voroo schdössd zerledzd an himml noo wu der wind se hiegedrohng naa des wass ka mensch zä sohng alle rechte wolfgang buck
11.
Der Kabljau 03:34
der kabljau wenn der kabljau winsln deed wi a dschaudschau und su schee dabbsich wär wi flogge der glaa bär wemmern im adlandigg fängd wos do alles im schlebbnedz hängd wenn di alle laud schreierdn ob mier uns do nu freierdn iebern schuhbeck sein wolfsbarsch iebern mälzer sein dun und däss die seldnsdn ordn nei ins fischschdäbla grodn wenn der dunfisch a delfin wär und macherd kunsdschdüggle im meer müssd ka albadros dersaufm wenn di leina nauslaufm wenns ned ohne don erstickerdn sondern an deck laud quiekerdn und di kamera wär däbei des geberd a gschrei alle rechte wolfgang buck
12.
34 PS 03:46
34 ps den summer hammer frei kumm schmass in ruggsagg hindn nei der käfer gruuvd si ei der dacho schdehd af 103 glei hinder hilboldschdaa fohrn mier scho ganz allaa du und iech mier zwaa und in der hallerdau gibbds weid und breid kann schdau der himml is weißblau mensch is des schee mier fohrn an könichsee mid unsern vw do nunder is zwoä weid doch der mensch der had zeid hedzn denna bloß di leid bo hunnerdzeä is schluss selbsd middn bleiern fuß langds fier an zordn kuss und ganz ohne stress fohrn mier di hechsdn bäss mid 34 ps a banna wär ned schlimm ersadzmodor is hindn drin di scheimwischer sin hie wenns rengd dann wardmer bis morng frieh mier braung ka liechesidz däss eng is machd uns nix wall mier sin grod su spidz des lehm des is su schee do brauchsd kann bmw do nunder bis zum see alle rechte wolfgang buck
13.
nun ruhen alle wälder nun ruhen alle wälder vieh menschen städt und felder es schläft die ganze welt ihr aber meine sinnen auf auf ihr sollt beginnen was eurem schöpfer wohlgefällt wo bist du sonne blieben die nacht hat dich vertrieben die nacht des tages feind fahr hin ein andre sonne mein jesus meine wonne gar hell in meinem herzen scheint der tag ist nun vergangen die güldnen sternlein prangen am blauen himmelssaal also werd ich auch stehen wenn mich wird heißen gehen mein gott aus diesem jammertal brei aus die flügel beide o jesu meine freude und nimm dein küchlein ein will satan mich verschlingen so lass die englein singen dies kind soll unverletzet sein auch euch ihr meine lieben soll heute nicht betrüben kein unfall noch gefahr gott lass euch ruhig schlafen stell euch die güldnen waffen ums bett und seiner engel schar

about

Wolfgang Buck unplugged.

Ob „des Glügg“ darin besteht, dass man sein Lebtag darauf wartet? Ob einer, der immer ein Depp war, weise wird, wenn er „old“ ist? Oder ob aus dem kleinen Wolfgang was geworden ist, der sich als Kind im Dorf immer anhören musste: „Asu werd des nix“? Fränkische Geschichten am Leben entlang, die Wolfgang Buck, der optimistische Skeptiker, hintersinnige Komödiant und eigenbrötlerischer Menschenfreund da erzählt.

Es tauchen außerdem auf (in der Reihenfolge ihres Erscheinens): Verrostete Fässer mit Plutonium, eine sadistische Schulsekretärin, die Musikgruppe „Die fränkischen Bressackblunzen“, der alte Kamerad Jimi Hendrix, das Prosecco-Geschwader bei einer päpstlichen Audienz, der heilige Philip Morris, der fliegende Robert, ein Kabeljau, ein blauer VW-Käfer und ein wunderschönes Abendlied des evangelischen Liederdichters Paul Gerhardt.

Und das alles eingebettet in wunderbar erdiges Gitarrenspiel.

„Asu werd des nix“ ist trotz des pessimistischen Titels eines der schönsten und gefühlvollsten Alben des fränkischen Sängers geworden. 13 neue Songs, sehr entspannt im heimischen Studio aufgenommen, ohne viel Schnickschnack: Gesang, zwei oder drei Gitarrenspuren – fertig.

"Das Schöne an Wolfgang Buck ist, dass er nicht dem gschmarriblöden Gaudiburschentum auf den Leim gegangen ist, sondern sich stetig künstlerisch weiterentwickelt hat, und dass er den Dialekt nicht ausnutzt, um uns Franken als trottelige Witzfiguren vorzuführen. Er verwendet die Mundart gewitzt und hintersinnig, er ist auf Draht und auf Zack, er bleibt erfrischend nah dran an den Menschen in ihren Untiefen und ihren ewigen Abstrampeleien." (Helmut Haberkamm)

"Endlich mal was Fränkisches ohne Brodwörschd-Comedy.“ (Konzertbesucherin)

credits

released March 18, 2009

Gesang und Gitarre Wolfgang Buck
Recording Wolfgang Buck
Mix und Mastering Rupert Schellenberger
Artwork Jan Buck
Produktion Wolfgang Buck

license

all rights reserved

tags

about

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this album or account

If you like Wolfgang Buck, you may also like: