We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Flusszigeiner

by Wolfgang Buck

/
1.
flusszigeiner iech bin reigfluung af di insl riech scho rehng und moor iech schbier in fluss scho schaukln schdurm in meine hoär seech di graua wolkn renna heär in mövmback sei gschraa siech an eisvugl verbeiflieng wi an blaua edlschdaa wenn der nebl endli hochgehd und der fluss lichd friedli do wenn di annern in der falln lieng dann schmass iech mein diesl o des drabbd di radzn asn luuch wall ihre ruh edz hin is si schdinkn nu nach whiskey und sie köbfn glei a guinness flusszigeiner mechdi sei alles fließd an mier väbei di maschina machd achd knodn mier sin nass bis af di knochn di sunna hammer gsehng is ledzde mol vur gud achd wochn die schwarze fohna middn dodnschädl drodzd em wedder di mövn scheissn uns afs deck und schmiern uns alle bredder der schleusnwädder wirfd di leina mid sein hoknarm aus er bressd in briggnzoll as alle arma deifl raus is hafmwasser schillerd bund vo lauder scheiß und diesl wer meuderd, dauchd bis afm grund egol obs rehngd und niesld a schwarzer hund bewachd in schdeech und had alles im griff, mier schmiernern mid bludichn fleisch und schleichn uns vom schiff der wärd im pub klobfd mid sein hulzbaa im sechs achdl dakd di musigger ham rode hoär und an laudn dudlsagg alle rechte wolfgang buck
2.
Sau dood 06:13
sau dood di sau is dood sie lichd verbluded innra underfiehrung in baris die dreiber sin bedroffn di jäächer nimmer bsoffm si diskudiern bei christiansen derwalls die nächsde sau durchs dorf johng is nächsde ferkl großziehng dässe in am johr vuurs rohr krieng di dreiber dreim di jäächer johng di schreiber schreim di schloochzeilnschläächer schlohng di zeiln und diech hams etz am grohng am anfang schbilld die sau nu mied walls schee is wemmer ghädschld und gedädschld werd rausgfüddert und geküblböggd und schee gemäsd doch di jachdpardie lichd hinder aander mauer af der lauer und es kliggn bajoneddverschlüss mer freid si däss di sau edz fedd is alle rechte wolfgang buck
3.
Hammerned 04:57
hammerned di masde ärberd erledichd siech vo selber wennsders lang gnuuch lieng lässd und du machsd nix hie wennsd di woär in ruh lässd und nix ohfässd obber manche ruiche schdund afm sofa erkaffsd du dir durch scheinkooberation und wenn wos hie is sagsd du iech kümmer miech drum und du schdürsd a weng im keller rum und dann saggsd ok edp baggis gleich bloß mier ham ka bassnds werkzeich an hammer gibbs ned und an gibbs hammer aa ned hammer mol an hammer dann gibbs nu lang kann gibbs gibbs amol an gibbs dann hammer kann hammer an hammer gibbds ned, an gibbs hammer aa ned und du fährsd nei in obi odder hornbach und frogsd ham sie an hammer und der sachd dir gebi an hammer obber dann braugsd an gibbs außerdem leffd do heid goär nix mehr mier ham nämli grod zugmachd und du maulsd obber do schdehd 20 uhr und edz is genau dreiväddl achd und der sachd des kann scho sei doch mier lassn edzerd kann mehr rei am nächsdn frieh schdehsd du erschd im schdau und dann im schwarzarbeiderbaradies af der maddn der verkaifer lässd diech zur schdrof fier gesdern ohmd erschd amoll a weng waddn er drinkd sein kaffe und delefonierd dann frochder endli wos diech in baumarkd fiehrd und du sagsd däss diech evenduell a weng a gibbs und a hammer inderessierd und er sachd in ledzdn hammer grod verkaffd häddsd gesdern wos gsachd na häddmer nu aan ghabbd a jeder jammerd däss sei gschäfd schlechd gehd däss kaaner bo ihm eikaffd iech schlooch vor die brobleme des handels zu lösn indem mer di kundschaffd abschaffd wall a franke der wu freindli is is die quadradur des kreises wall a fränkischer verkaifer nichd gerne diend und aa ned su gern wos leisded obber wenn er doch nedd und cool is dann wassd du dässer schwul is hammer ned hammer ned hammer hammer hammer hammer. hammer ned hammer ned hammer hammer hammerned wassi ned moochi ned demmer ned soochi ned gehd ned glaabi ned heid ned morng ned an hammer gibbs ned und an gibbs hammer aa ned alle rechte wolfgang buck
4.
Iebers Meer 05:03
iebers meer di junga schdörch ham fernweh flieng zum erschdn mol in südn und si genna nach der sunna nachn mond und nach di schdern und sie flieng im lichd endgehng und es ziechd si iebers meer, und sie lehng si afm wind und daung nei ins morgnrod und du großer weddermacher schieb di wolkn asanander blos an wind under di flügl schigg an engl iebers meer an engl iebers meer zeich ihna sansibar und burma kreuz des südns und kap horn und däss manchmol herwärds findn wus su lang nesdhogger worn di junga schdörch ham fernweh flieng zum erschdn mol in südn und sie lehng si afm wind und daung nei ins morgnrod schigg an engl iebers meer alle rechte wolfgang buck
5.
Samsdooch 05:00
samsdooch samsdooch frieh um fümfa ziehng die nachbern schdrümbf oh wolln in dooch mid schüddln schdaddn und huln ihre rüddlbladdn samsdooch frieh um sechs kummers mid der flex und sie schneidn gaddnbladdn zur umrandung der rabaddn samsdooch frieh um siema gehd di mördlmaschina und im ganzn väddl mischns edz ihrn mördl samsdooch frieh um achd genners af di jachd und sie drohng um neuna reh und hosn in di scheuna samsdooch frieh um zehna gehd di feierwehrsirena und di übung gehd bis elfa doschdbekämbfung bis um zwölfa nanananana samsdooch umma aans is di übung aus und edz fahrns midn rosnmäher sinnlos hie und her samsdooch umma zwaa weggd mi dann mei fra hobb die nachbern ärbern scho schreddern scho di schdaa samsdooch umma dreia dennersersi freia und sie schreia wänd mir killn di und des machmer midder hildi samsdooch dann um vier hams schdaub und dreeg vur der dier ouh des gibbd an ärcher schnell mier huln in kärcher nachn kärchern dann um fümf wadns barfäß durch di sümbf di ganze ärberd wor fiern arsch edz grohmer a dränaasch bis zur schboddschau umma sechsa muss der ganze dreeg dann wech sa und si schauer a schbill oh und dann schierns in grill oh samsdooch ohmd um siema fängd der bugg zum ühm o ohmds do wern di fauln fleissich drum übd er bis 7 uhr 30 gnauer gsachd bis halba achd des langd fier heid gud nachd alle rechte wolfgang buck
6.
hulzkulln huln iech hob scho is bier hergrolld und iech hob di brodwäschd zohld und iech hob in grill hiegschdelld und is scheene wedder bschdelld iech hob scho di semmln kaffd und an aamer semft hergschlaafd iech soll gwieß an alles denkn und du hoggsd do af der bänk du dusd edz di hulzkulln huln hobb du dusd di hulzkulln huln du dusd edz di hulzkulln huln kumm du dusd di hulzkulln huln dusd im schupf di hulzkulln huln. im dunkln schubf di hulzkulln huln hobb du hulsd di hulzkulln hulsd edz du di hulzkulln wos du hasd is bier hergrolld und du hasd di brodwäschd zohld wos du hasd in grill hiegschdelld und is scheene wedder bschdelld wos du hasd di semmln kaffd und an aamer sembft hergschlaafd und mier solln edz di hulzkulln huln edz echd mier solln di hulzkulln huln du willsd däss mir di hulzkulln huln mier solln edz di hulzkulln huln do drund im schubf di hulzkulln huln im dunkln schubf die hulzkulln huln genau ihr kennd amol wos ärbern ned bloß immer iech habbder edz di hulzkulln kulld naa mier ham ka hulzkulln kuld habbder edz di hulzkulln kulld naa mier ham ka hulzkulln kuld wos ihr habd ka hulzkulln kuld naa mier ham ka hulzkulln kuld wall di hulzkulln die sin gschdulln wos di hulzkulln di sin gstulln wer had do di hulzkulln gschdulln wer had do di hulzkulln gschdulln ihr zwaa ihr habd di hulzkulln gschdulln naa mier ham ka hulzkulln gschdulln doch ihr habd di hulzkulln gschdulln naa mier ham ka hulzkulln gschdulln der michel had di hulzkulln gschdulln naa iech hob ka hulzkulln gschdulln gell die nachbern ham di hulzkulln gschdulln naa mier ham ka hulzkulln gschdulln euer läuser ham mei hulzkulln gschdulln naa mier ham ka hulzkulln gschdulln du selber hasd die hulzkulln gschdulln ja du hasd die hulzkulln gschdulln alle rechte wolfgang buck
7.
Ned normol 04:31
ned normol wenn i frieh vurm schbiegl schdeh und der do drinna glodzd mi oh und iech färchd mi vu mier selber und wenn grod kanns herschaud soochi obachd däss dei glodzer fei ned stehblabbd und iech drehnern a nosn hie und wenn grod kanns herschaud dann steggi af der kickerdabelln am kühlschrank di bayern hindn hie und wenn grod kanns herschaud fohri bauchädi midn schliedn in berch no und iech bredder nei in grohm wenn i schbazierngeh nachn rehng und di sunna schbidzd grod vur und di ärdn riechd nach ärdn und wenn grod kanns herschau, nehmi onlauf und iech mach an drimmer hubfer in di grässde bfidzn nei des is doch ned normol wenn aaner ganz normol is es is doch viel normoler wenn aaner ned normol is des is doch ganz normol ganz normol ganz normol und wenn i schbazier im frischn schnee unberührd und nu kaane schburn bloß am himml a boär kradzer dann schauermi um und wenni allaa bin schiffi konzendrierd a groß w nei in schnee alle rechte wolfgang buck
8.
zidronenfalder wall der zidronenfalder in ganzn dooch zidronen falded is seine liebe sehr erkalded zu den dufdendn früchdn und schdadd zidronen faldn dääd er lieber mol melonen haldn odder gerne auch bersonen schbaldn odder rosn züchdn doch dann am ohmd verkleided er sich als schmedderling und er fladderd von blüde zu blüde besonders im frühling er dud gern sei grammofon eischaldn odder afm anemonenball gehn obber immer nur zidronen faldn wu blabbd do der sinn däss sei ärberd su wenich sinn had is ihm ned schnubbe und drum gehder jedn samsdoochmiddooch in di selbsdhilfegrubbe di anonymen homonymiker dreffm siech im cafe und sie öffnen anander ihre wundn und alle jammern oh weh do sidzd der geigerzähler der im orchesder die geiger zähld damid auch ja kanner fehld wenn der dirigend die schdreicher quältd und der gabelschdabler dääd lieber wos anders wie gabeln schdabln sooch welchn sinn soll des habln in ganzn dooch nur gabln schdabln und der eisbrecher sidzd im cafe und had genuch vom eis brechn er will nur schdill und leis zechn obber bidde bloß nix süßes und der rasnschbrenger will im rasn in echd keinen grashalm krümmen und er sähe di zündschnur lieber in einer konzernzencrale glimmen so is jeder unzufriedn mid seinem lehm und frachd nachm sinn. warum machd der mensch suviel unsinn wo führd des alles mol hin alle rechte wolfgang buck
9.
geldscheisser neili wor der vom finanzamd do mei bilanz is ganz amdlich ok im großn und ganzn hadds bassd zumindesd fasd des hassd in knasd mussi ned wall iech bscheiß fasd ned wos sollin aa bscheissn des eisn is heiß des heissd es is scho a leisdung, den haufm geld ohne quiddung drodzdem zu meldn su heldn gibbds seldn wer brelldn ned gern in fiskus und iech zweifl und der deifl säusld mir nei mein ohr sei kein dor du bisd der aanziche debb weid und breid wu ned as zeidverdreib falsche zohln af sei filzla schreibd der drodz ebbe am kondo ganz prondo blechd bom zohln vorndro is di rechnung begleichd aa di zech vom schrempp nu schdemmd wall dem sei bobbmernee klemmt du bist dena leisdungsdrächer ihr neecher du bisd ihr neecher mannomann abbrobo mannesmann su esser gibbds viel wu den grohng ned vull krieng wo fressn und zohln ned obber du bisds wu aa nu den ackermann aushäld di schumacher brüder und obwohl dei geld scho längsd gor is auch noch den boris wall du hasd anscheinend an geldscheisser du hasd an geldscheisser iech hob an geldscheisser an geldscheisser maansd gwieß iech hob an geldscheisser die sin su arm und du su reich sooch doch ned wi der scheich edz zahln mier und dann gehn mier sondern machs wi der emir und sooch gemmer lieber gleich bevur kassierd werd alles müller oder was es machd schbass zu kassiern wos der schdaad in sein fass had verbrassn, und dann in dambfer verlassn af die yachd in der ägäis walls do rechd schee is aa di schweiz had ihrn reiz doch die nimmd ned an jedn vur allem ned su an bleedn idiodn wi diech der wu gud verdiend und nu mehrer zohld nach dem moddo wie gewonnen so zerronnen du depp schbrichd der deifl zu mir und sachd bscheiß doch aa und er sachd bscheiß doch aa iech heärs doch scho schreier sei leis du bisd ja bloß neidisch wall af dein disch gibbds kein frischn fisch as schanghai du zischd nie dei bier af hawaii drum machsd su a gschrei wu annersch wern reiche geliebd wird leisdung bewunderd di leid sin ned gleich des is der breis der freiheid ohne fleiß kein breis un nu mehr solchn scheiß iech griech mei wud simmer widder su weid däß a klaaner sein hud aufschdelln muss wall ka großer mehr blechd fier des wos rechd und gerechd is sondern zeichd däss er der boss und der ander der knechd is vo mier aus kannsd milchreis in becher fülln odder in schdecher schbieln in besnkammern die schbesn kammer absedzn doch siech selber ned kann reschbeggd fier den der siech verschdeggd und sachd leckd mich die axd im wald gehörd dem stoiber zidad aus schillers räuber und ned jeder räuber is a robin hood bloß waller im drachdnhud sich bedrachdn dud und der edi lachd und schbords bo di schwachn die kenner am wenigsdn machn die ka dach iebern kubf ham die benner die schdenner eh bloß dumm rum und denner kann finger krumm machn mier kürzn die middl um ein driddl außer fier di drachdler ihre kiddl neili wor der vom finanzamd do mei bilanz is ganz amdlich ok im großn und ganzn hadds bassd zumindesd fasd des hassd in knasd mussi ned wall iech bscheiß fasd ned alle rechte wolfgang buck
10.
Crumlin Road 04:46
crumlin road di aan lehm in der crumlin road di annern glei dernehm die aan die wolln glügglich saa und di annern die wolln lehm die aan die denna im schdeh die annern im kniea bedn di aan di schmassn bombn und di annern ham rakedn di aan die ham a gsichd mid zwaa aung und aaner nosn und wenns a rechd viel saufm kriengs an drugg af ihrer blosn wenns geld braung denners ärbern wenns haaß werd gehns in schaddn und die annern lehm genausu und drodzdem sohngs ihr seid raddn und des woär scho wi di großvädder mid laddn afnander los sin und des is su wenn di männer a boär andre in di lufd joong und des is su wenn di junga bflasderschdaa af andre schmassn und fier all des wern di annern eich nu ihr lebdooch hassn und di aan ihre kinner lerna rechna schreim und lesn und schreim ins hefd nei mier sin gud di annern sin di bösn und di onführer kumma in di schul lassn siech fodografiern und denna kinner dädschln und unsiddlich berührn und sie sohng fiern friedn do missersd ärbern des wär ned su bequem doch wennsd a gwehr hasd bisd a held und kannsd in dooch nei lehm an schdadddeil midanander baua is fier dei kreiz ned xund doch kinner zeung und bombn lehng kann a jeder faule hund alle rechte wolfgang buck
11.
Di Soß 05:05
di soß di lufd bom rewe is vull mid musikmoleküln vuller glügg su warm wi schligg doch ned su diggflüssich sondern dünn und lau du brauchsd ned rührn odder schluggn odder blosn si leffd dir nei dei nosn schbüld diech weich wi lenor an weihnachdn odder neijoär es singd bocelli der denor mid sein kinderchor dann schdehd bon jovi af der maddn verkaffd zuggerwaddn immer di gleichn bladdn bladde dexde gladde harmonien sadde brofide fier di indusdrie fier sony und bmg di kenna sich freia auch du bisd gerührd allerdings im mohng und mussd diech schbeia schdefan raab und di andern idiodn ham ihre bfodn ieberoll machn quodn der rubl rolld verkaafm scheiße fier gold hamblmänner lassns krachn drambln rum af di schwachn und alle lachn ab und haua siech vur lachn di schenkl ab die soß ieberschwemmd di ganze weld und wenn alles um uns zamfälld es is di soß wu alles zamhäld die soß si drobfd as alle ridzn si leffd dir nei in deine ohrn an dera soß do denners gwieß ned schborn si narkodisiern und euforisiern di afrodisiern und brivadisiern di schürn hysderie mid scheinbroblemen wi maul und klauenseuche lamendiern der schbrid is zu deier denn breis müssder senkn um abzulenkn vo di wichdichn demen sie schenkn dir erlösung von der mühe des denkns wos klima ozon bevölkerungsexplosion wos is des schon gecher den flobb vo inderschobb gecher dax und nemax fuchzich wos habdern der wedderberichd fier morng is doch lusdich dank kachlmann doch iech sogs eich fiers joär 2050 heärd er sich nimmer zum lachn an du schausd cnn sixd den bräsidend er häld a red die fohna wehd helm ab zum gebed des badriodismus die händ vo di leid afm herz die hörner und schdreicher klinga die leid di singa godd schüdze amerika das land der vier soßn heinz ketchup hollywood erdöl und cola in dosn doch iech will ned läsdern wall mier sin brüder und schwesdern und drodz falschm bados und wesdern denk ich an gesdern an dschääß und an freiheid drum seid ihr geachded doch kaaner had den liebn godd gebachded drum hassd mei moddo godd schüdze das broddokoll von kyoto und seinen namen vur der medamorfose in domadnsoße amen alle rechte wolfgang buck
12.
rutsch aweng her a kalder mond blend durch di zweich und mold gschdaldn an di wänd und der wind joochd zrissne wolkn wi schwarze veechl iebers land gesdern sin di kroä verbeigfluung heid nachd hoggns af mein dach glodzn rei mid große aung und haldn miech dodmüd hellwach rudsch aweng her iech hob schlechd draamd mier hads im herzn alles durchanandergraamd rudsch aweng her du riechsd su warm und weich und rund gib mir dein arm dein bauch dein busn und dein mund bis di sunna widder aufgehd inner halbm schdund kummd zu mier mei schwarzn freind hoggd eich af mei fensderbredd manchmol moochi eier gsellschafd obber dobleim därfder ned kummd na her dunkle gedankn fohrd im kubf draumkarrussell doch iech lass eich ka nesder baua hinder di baamer werds scho hell alle rechte wolfgang buck

about

Wolfgang Buck, unterstützt von seiner wunderbaren Band und vielen Gästen, lässt sich auf seinem 2006er Album als FLUSSZIGEINER durchs Leben treiben und beobachtet mal genüßlich, mal ironisch oder grantig das Treiben am Ufer. Er besingt die lustige Hatz der Pressemeute auf vorher selbst gemästete und geküblböckte Wildsauen, wird vom Teufel versucht, der angesichts berühmter Steuerflüchtlinge den Rat gibt "Bscheiß doch aa!", und sieht allenthalben das Land überschwemmt von Soß´, Zuckerwatte und Narkotika, die großzügig unter der Bevölkerung verteilt worden sind.

Andererseits ist in Franken die Welt noch in Ordnung, der Verkäufer im Baumarkt ist wohltuend unfreundlich, vor Sonnenaufgang wird in der Nachbarschaft die Rüttelplatte angeschmissen, abends versammelt man sich friedlich um den Grill, und irgendjemand hat zwischenzeitlich die dafür nötigen "Hulzkulln kuld". Denn es ist immer noch besser, am Samstag schwarz zu arbeiten und dann miteinander zu feiern, als einen eintönigen Beruf wie "Zidronenfalder" ausüben zu müssen und am Wochenende mit den Anonymen Homonymikern trübsinnig im Café zu sitzen.

Bei allem nötigen Unsinn erzählt der FLUSSZIGEINER aber auch soviel Persönliches wie noch nie: Die jungen Störche verlassen das Nest und ziehen in den Süden, schwarze Vögel umkreisen nachts das Haus, und Sorgenfalten graben sich ins Gesicht. Als Gegenmittel frotzelt Wolfgang Buck in den Spiegel: "Däss dei Glotzer fei ned stehblabbd!", flüstert im Morgengrauen: "Rutsch a weng her, iech hob schlechd draamd", und pinkelt trotzig sein "W" in den Schnee.

credits

released January 20, 2006

Wolfgang Buck - Gesang, Gitarre
Ralf Tonnius - Gitarre
Michael Schmidt - Bass
Steff Hänisch - Schlagzeug
Felix Lauschus - Trompete, Flügelhorn, Gesang, Chorarangements
Rupert Schellenberger - Keyboards
Oliver Saar - Sax, Bläserarrangements
Frank Fritsch - Sax
Gerald Meier - Posaune
Skip Reinhart - Trompete, Flügelhorn
Fred Sauer - Keyboards
Irmgard Klarmann - Gesang
Lisa Buck - Flöte
Heinrich Filsner - Tuba
Emanuel Hauptmann - Schlagzeug
Stefan Hoffmann - Gesang
Rainer Schwander - Tin Whistle
Samuel Seidenberg - Horn
Andreas Spindler - Dudelsack
Andreas Donhauser, Theo Hilger - Werkzeug
Nachbarn und Nachbarskinder - Chor
Arrangements Wolfgang Buck Band und Gäste
Recording, Mix, Mastering - Heiner Badum und Rupert Schellenberger
Produktion Wolfgang Buck
Artwork Jan Buck
Fotos im Cover Andreas Riedel und Wolfgang Buck
Live-Fotos Sebastian Haaß

license

all rights reserved

tags

about

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this album or account

If you like Wolfgang Buck, you may also like: