Get all 14 Wolfgang Buck releases available on Bandcamp and save 20%.
Includes unlimited streaming via the free Bandcamp app, plus high-quality downloads of Visäwie, Des Gwärch & Des Meer, Vergessn & Widdergfunna, Kummdmernaham (live), Genau underm Himml, Asu werd des nix, Flusszigeiner, Nedsulaud (live), and 6 more.
1. |
Gemmeraweng
03:56
|
|||
|
gemmeraweng
edz gemmeraweng in wold
gemmeraweng in wold
gemmeraweng in wold
gemmeraweng gemmeraweng gemmeraweng in wold
und na liengmeraweng do ...
und na wardmeraweng bis dunkl werd ...
und na demmeraweng wos scheens...
ja wu wormernaweng heid nachd ...
gell des mechersdaweng wissn ...
des verrodmerdiraweng ned rodmerdiraweng ned...
alle rechte wolfgang buck
|
||||
2. |
Der Ober stichd in Under
04:52
|
|||
|
der ober stichd in under
is lehm is wi a schofkupf
drum hul amol di kaddl her
und du mischn und schee gehm
iech erklär dier edz is lehm
di regln die kabiersd du schnell
die lernsd du scho als klaaner bu
wall des schofkubfm is leichd
und is lehm is ganz genauäsu
also gib amoll obachd
der ober schdichd in under
di verlierer zohln is bier
und di aan di ham di drümbf
und di andern ham di schmier
hald diech immer schee bedeggd
zeich nie zu frieh wos du nu kannsd
bloß wenns sa muss such an moo
doch wenns gehd dann machs allaans
hasders kabierd hä
asu machds der bundeskanzler
und aa der chef der deudschn bank
su funktionierds im ordinariad
und aa im landeskirchnamd
des sin di regln bo di fernsehfridzn
bo kuglfischer und bei bosch
aa in der szene der kuldur
do gehds asu wi bo der müllabfuhr
doch su weid sin mier edz nu ned
a jeder mensch der fängd klaa oo
bisd du amoll der masder bisd
mussd du an haufm lehrgeld zohln
am besdn schbidzd erschd deine ohrn
bassd wi a hefdlersmacher auf
mer fängd als brunzkaddler oh
und ärberd siech dann langsam nauf
asu machds der oberorzd
er muss schleima vur sein chef
doch er werd sein frusd glei los
wall er had mid seinem assistend an dreff
asu machns di symfonigger
der dirigend mid seine sklavm
und der masder hassds in gsell
und der gsell lässd in lehrbuum laafm
alle rechte wolfgang buck
|
||||
3. |
Hinder der Bühna
05:51
|
|||
|
hinder der bühna
hinder der bühna vom großn deoder
wusd is diggern vo di rechner ned heärsd
ka gschraa vo börsnschwindler kummd do hie
ka brivadfunk schdrohld gude laune aus
zwischer schbinnawehm und schdaub
do empfängd diech ka adredde hosdess
doch di dier is auf die zeid schdehd schdill
hinder der bühna
im egg lahnd a balkn as zedernholz
bleich und verwaschn i n r i
vier rosdiche nägl a older hammer
a burburmandl mid am judnschdern
der schdrigg wu sich der judas aufghängd had
a schwamm wu nuch nach essich schdinkd
a dredmina as am reisfeld in kambodscha
mid garandie und lieferschein
werd alles nimmer brauchd werd alles nimmer gschbild
will alles kaaner sehng kannsd alles nimmer bringa
fier 30 silbergroschn kannsd alles kaafm
di wärfl wus gschblld ham um sei gwand
der zrrissne vorhang asn dembl fein säuberlich
widder zamgnähd vo am kardinol
die schlofdableddn vo der marylin monroe
die gasmaskn fier di abgfohrne baardy
di dornakrona lichd af der hudablooch
dernehm af an dabledd brod und wein
lang had si kaaner mehr umgschaud do hindn
obber neili do woär anner do
die alde woär had doch ihrn fremdn reiz hadder gsachd
sind geile sachn däbei wennsders richdich blaziersd
des waschbeggn vom bontius biladus
des hadsnern ohdu und er hads gnumma
des hängd edz in sein disainerbod
und diend dem oldn gleichn zwegg
werd alles widder brauchd werd alles widder gschbld
kannsd alles widder sehng kannsd alles widder bringa
werd alles immer brauchd werd alles immer gschbild
alle rechte wolfgang buck
|
||||
4. |
Saubere Lösung
06:02
|
|||
|
saubere lösung
hinder mein klann haisla hob iech leider a wiesn
do denna di maulwurfshaufm schbriesn
der dreeg vo meim bernbamm jedn herbsd is a graus
die faulin bern des olde laab wie schaudnern des aus
vom nachbern sein hollerbusch scheissn vegl af mei derrassn
lila schwarzer amslkod af mein leberwoschdbrod
und wenn iech zum swimming pool durch mei wiesn ladsch
kanns bassiern däss iech barfäss af a naggdschneggn quadsch
do nimmsd a weng an bedong des is a saubere lösung
a weng an bedong na is a ruh
am booch an der böschung buhrd der eisvugl sei luuch raus
und im gschdrübb brud des veechlgschwaddl sei bamsn aus
af an oldn baam am ufer grinsd a blöder reiher
des fruuschgequak gehd mier vull afm seier
innrer laua summernachd grichd mei fraa af amoll gefühle
und sie hängd ihr nylonschdrümbf über zwaa schdühle
drei gläser seggd gluggern schnell durch ihr schnäberla
und sie drüggd sich rieber zu mier iebers gräberla
ofusanguru nibadu kanili
makumba sumbada aweku mwelele
wossamou mousa doumoua bedonghie
mufukeleh mishi mishi simwele
lasset uns nachdenken über diese alte afrikanische weisheit
sie sagt mit schlichten worten was auch wir alle tief im herzen empfinden
gibst du einem mann beton, so wird er seiner familie ein haus baun
schenkst du ihm aber eine mischmaschine so wird sein dorf zum paradies
wenni amoll schderb drohngs miech mid mei fieß voraus
di bosauna schbilln und es gehd nachn friedhof naus
hoffndlich kummd er ned widder raus und er is werkli fodd
der pfarrer waaß an rod und schbrichd ieber mei lieblingswodd
alle rechte wolfgang buck
|
||||
5. |
Allaa fier diech
05:44
|
|||
|
allaa fier diech
do schdeh iech edz am friedhof bo deiner leich
der schnee knirschd under mei sulln es is a kalder dooch
is ganze dorf gibbd dier di ehr su wis scho immer woär
su wi sis kerd sin alle kumma allaa fier diech
ich bin ein gast auf erden so dönds as rauhe kehln
jo echd es riehrd mi oh su schee singers fier diech
schdeifgfrurn doch würdevoll haldn schwere händ di nodn
ganz su schee verdiensders ned des brauch iech dier ned sohng
es woär a weider weech doher durch a verschneide weld
der wind bfeifd immer nu su kold do af der heh wi vo zwanzich joär
iech bin scho lang nimmer do gfohrn obber iech kenn nu jedn baam
jede kurvm jeds haus jedn booch jedn zaun in dera gehngd
der bfarrer bedd an scheena vers a floggn schmilzd af sein barredd
und dann verliesder nu dei lehm di ganzn achzich joär
bloß wisdu manchn drangsalierd hasd des lassn mier heid wech
mid suwos lassmer diech in ruh af dein ledzdn gang
iech hoff du bisd edzerd do drohm su gwieß is des fei ned
in herrgodd kannsdu ned bescheißn wi di ami nachn griech bo der endnazifizierung
iech hoff dier fälld wos bessers ei an dera himmlsdier
iech hoff dier fälld wos bessers ei an dera himmlsdier
alle rechte wolfgang buck
|
||||
6. |
Muss mer filma
03:57
|
|||
|
muß mer filma
is lehm is korz und mer vergissd su viel
und mer grichd is masde goär ned mied
wenn der bu is erschde mol afs debfla scheissd
der hisdorische momend is su schnell verbei
die weld had a rechd dässmer diesn augnbligg
fier alle zeidn dokumendierd
die woschd blumbsd in zeidlube nei in duubf
die mamma streichld froh in bumm sein kubf
solche augnbligge muss mer filma
drum kaffsd du dier ein video
familiäre schdernschdundn muss mer filma
kaaner had mer sei ruh afm klo
dei lehm kochsd du in brakdische bortiona ei
und schdellsders nei in dei vorrodsschränkla
wenn der onkl willi am sunndooch af bsuch kummt
dann grichder a weng a versucherla
wall wenndu diech ned afm bildschirm sixd
dann gibbds diech am end goär ned
du woärsd ned in venedich du bisd ned verheiräd
du bisd ned daafd und ned di drebbm rohgfluhng
wenn der oma afm leingschmaus die brodnsoß afs kosdüm drobfd filma
und a leergfressner diesch mid ohzullde buddlersbaa und grädn alles filma
und af der hochzeid in der kerch singd a kreischnder sobran so nimm denn meine hände
und dann greiners ruudzerwasser obwohls is ganze joär af di bfarrer schimpfn des muss mer filmasolche augnblicke
do kummsdu do kummsdu do kummsdu ned drumrum
muss mer filma
also, horch zu iech sooch dir edzerd amoll wos
du mussd dir umbedingd a videokamera kaafm
do kummsdu heidzudooch suwos von nicht drumrum sooch iech dir
do kummsdu heidzudooch einfach nicht mehr drumrum kummsd du do heidzudooch nicht mehr
alle rechte wolfgang buck
|
||||
7. |
Marie
04:38
|
|||
|
marie
schee hasd ausgschaud marie
iech bin glei vull abgfohrn af diech
dei hoär worn wi a wasserfall
wild und frei wi a zigeineri
dei aung schwarz und schdolz ohne falsche scham
und dei ausschnidd wi milch und honich
und des kind afm arm häd miech aa ned abghaldn
du worsd ned mamma und fad fier miech sondern fraa und jung
allmächd worsd du schee mensch worsd du schee
des kammer goär ned laud sohng
schee hasd ausgschaud marie
iech bin glei vull abgfohrn af diech
obber dann sins alle ohgruggd
di weihrauchmafia mid ihrn schdingerdn maul
erschd hams bloß mid ihre dreggfinger af diech zeichd
und wörder hams bläägd hex und hur wu iech miech schäma deed
obber verregg du bisd dohgstandn wi a fels im schdrom
kerzergrod und aufrechd
schee hasd ausgschaud marie
iech bin glei vull abgfohrn af diech
obber edz liggsd do undn am grund
und is grüne wasser deckd diech zu diech und dei kind
middn in der nachd wus am schwärzesdn is
hams eich neigschdoßn iebers briggngländer
a fraa wi du had kann bladz in dem land
kerzergrod und aufrechd und schdolz und schee
alle rechte wolfgang buck
|
||||
8. |
Nachdgieger
05:56
|
|||
|
nachdgieger
der wold der rauschd
und der wind schdreichd durch di äsd
und di krona die schwankn hie und her
und der mond der scheind bleich
und a kaizla schreid vo fern
und im hulz drin do raschlds und do knaggds
na kummd der nachdgieger na kummd der nachdgieger
na kummd der nachdgieger und schaud rei zu dein fensder
na kummd der nachdgieger na kummd der nachdgieger.
na kummd der nachdgieger und klobfd noo no dei dier
der booch der rauschd
und der nebl lichd im grund
und di algn glänzn dunkl af di schdaa
bei der bruggn do is kold und is wasser dief und schwarz
und der schdrudl ziechd dei gsichd noo am grund
na kummd der hägglmoo na kummd der hägglmoo
na kummd der hägglmoo und langd raus mid sein hokn
na kummd der hägglmoo na kummd der hägglmoo
na kummd der hägglmoo und grinsd mid sein maul
und na kummd nu di olde hex und der sensnmoo di weiße fraa der böse wuber der knechd rubbrechd der bulzermärdl der helmud kohl der effnberch mid sein finger der bischof dyba der lodaa maddäus der deo waigl mid seine aungbraua der rex gildo mit sein mikrofon
alle rechte wolfgang buck
|
||||
9. |
Drund in Herziauera
03:30
|
|||
|
drund in herziauera
drund in herziauera beissd a fruusch an mauera
maurer schreid au weh au weh freschla lass mi geh
drund in herziauera beissd a fruusch an mauera
maurer schreid au weh au weh freschla laou mi gäih
nach dem addndad af den maurer hauder glei ab as herziaura
er is wochnlang af der fluchd di kribbo hadnern ieberoll gsuchd
mier ham kann jesse james in frankn ka robin hood ieberfälld di bankn
mier ham den fruusch vo herziaura sulang der rumhubfd ziddern di maurer
in am deich bo babbmheim klauder an kaulquabbmschleim
dann frissder drei halbe klöß af der kärwa in laibarös
an am blädzla an der bengerz sachder olde hobb dou gengerds
er gehd auf der blassnburch mid der eindriddskassn durch
schbodzd im franknwald in naila an glann baby nei sein breila
doderfier wird er in blauen vo an känguruh verhauen
bo am schreid in leudershausn hadder glei sei messer außn
er raffd mid an kneibmwärd an der rednidz drund in fädd
af am fesd in lichdnfels saufder nu a bier a schnells
und schiffd anner gaas ans baa glei nehmdro in schdafflschdaa
fährd dann in neundeddlsau bsuffm an an gardnzau jodläih
obber do driehm im schdeicherwald do hamsersi des freschla kralld
und auf der burg feuerschdein do buchdns dann des freschla ein
edz hoggder do in eisnkeddn ka quakn kannern edz mehr reddn
aa sein verschdand den hams zerschdörd er singd sugoär sei lied verkehrd
drund in herziauera fruuschd a beiß an mauera
fruusch miaud au schrei au schrei maurer beiß fei nei
freschla holdrirürei drund maurer holdei herzi xund schreidiljöh driodrio fröschla holdrio
alle rechte wolfgang buck
|
||||
10. |
Könichin
06:10
|
|||
|
könichin
vom schwarzwald bis zum balkan
worsd du di könichin mächdich und braad
wis uns nu goär ned gehm had
seid anner ewichkeid joär um joär
bloß wellnschlooch und wolkn
dunner und blidz rehng und sunna
schilf schaukld im wind
an deine ufer urwälder ohne pfod
könichin
du hasd kann noma ghabd und doch
worsd du di könichin mächdich und braad
du schdrömsd ruich dähie brichsd durch felsn
schdeigsd as deim bedd joär um joär
wolf bär und luchs wildendn und kranich
alle ham vo dir glebbd
in deine fludn wimmlds vo fiesch ohne zohl
könichin
di erschdn menschn fier die
worsd du di könichin mächdich und braad
du bisd güdich und grausam voller verschwendung
bringsd dod und lehm joär um joär
sie schaukln naus afs wasser mid nussscholn
und du füllsd ihna nedz und bauch
fruchdborer schlamm sonniche hügl
hechd und waller brod und wein vo der
könichin
es wachsn schdädde am silberna schdrand
vo der könichin mächdich und braad
rehngsburch bassau wien
budabesd und belgrad joär um joär
kaufmannsschiffe dürkn und chrisdn
händler soldodn gaukler und hexn
befohrn besunga vermind und umkämpfd
lebensoder ins morgnland
könichin
di ledzdn 60 kilomeder ohne mauern
fließd di könichin nu mächdich und braad
des wors dann scho ansunsdn begrodichd
kanalisierd ausbaggerd kasdrierd joär um joär
verschwenderischer alder schdrom
im würgegriff vo habgier und geiz
sie kalkuliern und schiddln in kubf
sie lächln schdeing ei fohrn widder fodd und bringa um die
könichin
alle rechte wolfgang buck
|
||||
11. |
Is letzde Hemmerd
04:49
|
|||
|
is letzde hemmerd
wos hasdn ghabd
wenn is lichd ausgehd
wos blabbdn wennsd dein letzdn
schnabberer dusd
und wenns dann hassd hey older
worsd lang gnuuch af dera weld
etz schausd dässd weiderkummsd
do nieber
a lehm lang grennd und graffd und gschdriedn
a lehm lang gsorchd und bloochd und gärberd
a lehm lang gruderd und is gnagg eizuhng
des wors dann
is ledzde hemmerd
ziehngs dir dann o
dann fohrns numoll
middn kamm durch deine hoär
in an beddduch eigschlohng
ieber di dierschwelln naus
zum ledzdn mol gehds dann
di schdieng noo
a lehm lang grennd und graffd und gschdriedn
a lehm lang gsorchd und bloochd und gärberd
a lehm lang gruderd und is gnack eizuhng
des wors dann
alle rechte wolfgang buck
|
||||
12. |
Gemmernuamollaweng
03:24
|
|||
|
gemmernuamollaweng
gemmeraweng gemmernuamollaweng
gemmeraweng gemmernuamollawengala
demmeraweng demmeraweng
demmeraweng demmeraweng
eh tokenazamba gemmeraweng
gemmeragemmeraweng
wardneraweng wardnernuaweng
wardneraweng wardnernuawengala
nuawengala nuawengawengala
nuawengala nuawengawengala
mokilie mokilie mokili makambo ohoh
ohoh gemmeragemmeraweng
sodesworsdannaweng desworsdannaweng
worsdannaweng dannaweng a weng weng
alle rechte wolfgang buck
|
||||
Wolfgang Buck Bamberg, Germany
Wolfgang Buck - dialektischer Songkünstler aus Bamberg
If you like Wolfgang Buck, you may also like:
Sorry I'm So Sensitive
by Bea Stewart
The second EP from Northern Irish singer-songwriter Bea Stewart runs from gentle folk to pillowy pop ballads, all perfectly executed.
go to album
Michelle Stodart’s folk music captures hope in melancholy, addressing the transformational aspects of the most challenging times.
go to album
Veneer (20th Anniversary Deluxe Edition)
by José González
featured on Bandcamp Radio Aug 29, 2023
go to album
Onliness (songs of solitude & singularity)
by Josienne Clarke
Folk artist Josienne Clarke revisits music from her back catalog, infusing these lonesome songs with a new luminosity and drive.
go to album
Once Upon A Time In Montréal
by Murray A. Lightburn
The folk artist explores grief through these smooth and soulful tracks.
go to album
featured on Bandcamp Radio Dec 6, 2022
go to album
Better By Now
by Brooke Annibale
The indie-pop artist reflects on love and anxiety on her latest album.
go to album
