We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Flurbereinichung

from Schaunerhie by Wolfgang Buck

/

about

Text und Musik Wolfgang Buck

lyrics

flurbereinigung

wennsd du frieher immer glachd hasd dann worsd du ganz schnell a hex
wall dei haud had sich in 1000 faldn gleechd
und wisd dann älder worn bisd is dei gsichd a landschafd worn
wu des lehm siech seine weeche eigrohm had
und alles wos dir gschehng is des had schburn hinderlassn
und wer aung had der kann in dir lesn
des hassd lesn gehd edz nimmer wall fier 15000 mark
hams is lachn as dein gsichd rausoberierd

dei bligg had mol verzauberd und di ring under di aung
di hasd kabbd vo blaue schdundn in der nachd
und af alde bilder sixd nu is flussbedd vo di dräna
und di schburn vo deiner wud und deiner krafd
dei mund wor ned symedrisch und ausserdem zu braad
di biechung vo der nosn hexnhafd
du hasd 100 zwinkerfaldn ghabd und zwaa dudznd lächlschburn
di mischung sedzd an jedn under schdrom

nanana

iech waas ned wos es woär af amoll worsd in banik
und dei gsichd des woär dier nimmer jung genuch
und dei nosn di wolldsd gräder hom und dein mund a bissla schmäler
und dei haud di woär dier nimmer schdraff genuch
und der dokder der had gsachd geh na her des hammer gleich
bloß is lachn gwehnsder o des kannsd vergessn
iech bin der dokder eisnbard kurier di leud auf meine ard
warum hasd bloß af amoll hübsch sa wolln

is lachn hasd bol aufgheärd wisd gmerkd hasd wi des weh dud
und des schmusn und des schdreichln mogsd edz nimmer
und wu iech elekdrisierd wor vo dem zauber in deim gsichd
des hässliche und scheene is verfluung
dei gsichd is edz vom fließband dei nosn asn kadalooch
di libbm andisebdisch und schderil
du schausd aus wi 1000 andre durch di flurbereinichung
du hasd chancen fier a männermagazin

nanana...

alle rechte wolfgang buck

credits

from Schaunerhie, released October 1, 1993
Wolfgang Buck - Gesang, Gitarre
Matthias Dellert - Bass
Steff Hänisch - Schlagzeug
André Geniscke - Keyboards
Frank Hultzsch - Posaune
Felix Lauschus - Trompete
Frank Klebbé - Saxophon
Andreas Hillmann - Flügelhorn
Oliver Hinze - Gitarre

license

all rights reserved

tags

about

Wolfgang Buck image

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this track or account

If you like Wolfgang Buck, you may also like:

Bandcamp Daily  your guide to the world of Bandcamp

On Bandcamp Radio

Saxophonist Isaiah Collier chats about his new LP and the influence of Pharoah Sanders.
listen now