We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Hinder der B​ü​hna

from Gemmeraweng by Wolfgang Buck

supported by
/

about

Text und Musik Wolfgang Buck

lyrics

hinder der bühna

hinder der bühna vom großn deoder
wusd is diggern vo di rechner ned heärsd
ka gschraa vo börsnschwindler kummd do hie
ka brivadfunk schdrohld gude laune aus
zwischer schbinnawehm und schdaub
do empfängd diech ka adredde hosdess
doch di dier is auf die zeid schdehd schdill
hinder der bühna

im egg lahnd a balkn as zedernholz
bleich und verwaschn i n r i
vier rosdiche nägl a older hammer
a burburmandl mid am judnschdern
der schdrigg wu sich der judas aufghängd had
a schwamm wu nuch nach essich schdinkd
a dredmina as am reisfeld in kambodscha
mid garandie und lieferschein

werd alles nimmer brauchd werd alles nimmer gschbild
will alles kaaner sehng kannsd alles nimmer bringa

fier 30 silbergroschn kannsd alles kaafm
di wärfl wus gschblld ham um sei gwand
der zrrissne vorhang asn dembl fein säuberlich
widder zamgnähd vo am kardinol
die schlofdableddn vo der marylin monroe
die gasmaskn fier di abgfohrne baardy
di dornakrona lichd af der hudablooch
dernehm af an dabledd brod und wein

lang had si kaaner mehr umgschaud do hindn
obber neili do woär anner do
die alde woär had doch ihrn fremdn reiz hadder gsachd
sind geile sachn däbei wennsders richdich blaziersd
des waschbeggn vom bontius biladus
des hadsnern ohdu und er hads gnumma
des hängd edz in sein disainerbod
und diend dem oldn gleichn zwegg

werd alles widder brauchd werd alles widder gschbld
kannsd alles widder sehng kannsd alles widder bringa
werd alles immer brauchd werd alles immer gschbild

alle rechte wolfgang buck

credits

from Gemmeraweng, released November 1, 1996
Wolfgang Buck - Gesang
Rupert Schellenberger - Keyboards
Steff Hänisch - Schlagzeug
Matthias Dellert - Bass
André Gensicke - Hammond Orgel
Frank Klebbé - Alt Sax
Ernst Kroker - Gitarre

license

all rights reserved

tags

about

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this track or account

If you like Wolfgang Buck, you may also like: