We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Mier im Wesdn

from Schaunerhie by Wolfgang Buck

/

about

Text und Musik Wolfgang Buck

lyrics

mier im wesdn

schdellder vur du ärbersd ercherdwu bom bayrischn rundfunk
bo siemens odder als ingenieur bo der schdadd
und du mechersd gern di laddern a schbrossn heecher nauf
wall immer bloß af ösdreich in urlaub des is fad
schdellder vur du fährsd vw obber schdehsd mehr af an benz
und dei fraa löcherd diech wecher an wasserbedd
und du wärsd scho längsd beförderd worn wenn ned bloß der schdenz do
der liebling vom chef sei nosn vorna hädd
obber du wassd a boär diskrede informationa ieber ihn
und du wärsd doch bleed wennsd die fier diech behaldn deedsd
obber du sagsd nanananananana iech bin doch ka denunziand
lieber fohr iech weider mid mein vw af di ärberd

alles klaane heldn mier im wesdn
bekannd fier unsern grodn gang mier im wesdn
kanner deed sein freind denunziern bo uns im wesdn
im ganzn wesdn bloß weiße wesdn
im ganzn wesdn bloß weiße wesdn

stellder vur du bisd a klanns wäschdla bo der bundeswehr
und diech klanns wäschdla lassns ohdredn bom herrn major
und der herr major hoggd hinder sein großn schreibdiesch
und du schdehsd do und etz lassns diech erschd amoll a weng wardn
schdellder vur du sixd sei goldne schdreifm sei ernsde schdirn
und endli sachder sie wolln doch medizin schdudiern
obber mid ihrm vierer im abidur do werd do drauß nix wern
mier kenndn uns hexdns fier sie a weng angaschiern
ab und zu a boär diskrede informationa wenn aaner wos sachd
gechern bund wos wärn do derbei
obber du saxd nanananananana,
lieber schdudier iech mid mein vierer ägybdologie odder suwos

schdellder vur du däwischd amol widder is luuch vo däham
und du fährsd af nämbärch und gehsd dord aweng aus
und hinder der mauer do griggsd af amol su a kribbln im bauch
und wi vo zauberhand ziechds diech nei in a freudnhaus
schdellder vur du kummsd grod schuldbewussd as dem buff widder raus
und diech waafd anner o grüss god herr schdaadsanwald
iech hob vo ihna a boär scharfe bilder do im kasdn
die lassn aa ihr fraa däham ned kold
obber sie kennerdn uns ja vielleichd a weng wos derzilln zum beischbiel iebern richder x
maana sie der deed an ihrer schdell ann finger fier sie rührn
obber du saxd nanananananana do soll lieber mei fraa die bilder do sehng
obber mein kaddlbruder beschbidzln des mach iech ned

schdellder vur dei schef lädd diech ei zu am galadinee
und des galadinee finded schdadd af anner yachd
und die yachd die seechld kreizerquer durch di ägäis
und du wassd däss in der ägäis rechd schee is
schdellder vur diech fliengs doddhie mid an brivadn dschedd
und du schlürfsd suviel du willsd weißwein und hummer
und hübsche weiber mid große busn schwänzln um diech rum
und du zohlsd fier des alles keinen bfennich
ab und zu a boär diskrede informationa
ieber deine arbeidskollehng wos wärn do däbei
obber du sagsd nanananananana do verzichd iech af di ägäis und af di hübschn weiber
und af des ganze zeich do wall mier sin nämlich alles klaane heldn…

alle rechte wolfgang buck

credits

from Schaunerhie, released October 1, 1993
Wolfgang Buck - Gesang, Gitarre
Matthias Dellert - Bass
Steff Hänisch - Schlagzeug
André Geniscke - Keyboards
Oliver Hinze - Gitarre

license

all rights reserved

tags

about

Wolfgang Buck image

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this track or account

If you like Wolfgang Buck, you may also like:

Bandcamp Daily  your guide to the world of Bandcamp

On Bandcamp Radio

Fabiana Palladino stops by to talk about her mesmeric debut LP.
listen now