We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Schaunernoo (song)

from Kummdmernaham (live) by Wolfgang Buck

supported by
/

about

Text und Musik Wolfgang Buck

lyrics

schaunernoo

der umdrehde bfiffer do drund
is a schdadd mid am durm fasd 100 meder hoch
mier flieng rei vo zürich ieberoll wors schee
doch edz werds nu viel mehr wie is mooch
ieber nördlingen nieber iebers ries
und dann kummer immer mehr miniadurn
heggn bächle wiesn schau no sixd mei herz
do drund hobbis verlurn

ooh schaunernoo ooh schaunernoo

a güderzuuch zwischer schduddgadd und nämbärch
di a 6 fließd grod wi a schdrom
schau no edz kummd ansbach und do hindn is münsder
vo heilsbronn su klaa vo do ohm
die feldweech di schdrassn und di dörfer do drundn
su biecherd und su krumm und su schief
di flüssle su glidzerd und di dächer su rod
und di wälder und di weiher ned su dief

den schbädsummerdufd vo do drundn des harz
di kiefernwälder riechi bis do rauf
die schwarzbeern sin väbei obber bol gibbds bfiffer
in dem grüna labyrind zwischer allersbärch und lauf
die weld kummd immer näher der kanol und iech seech
af dem lasdkohn scho die gschäfdichn leid
ned weid dervo ganz schdill di oldn schleusn im wold
der kanol vom oldn ludwich do ruhd a haufm zeid

schaunernoo af des land wennsdi drausd
wennsd vo ohm drauf schausd is su schee
schaunernoo dässders sixd wis do lichd
es duuder nix su schlamberd und su schee

etz 180 grod mier lehng uns in di kurvm
und er fährd di räder naus mid am gwärch
und schau hie ganz do hindn wus in berch nauf gehd
su schdaanich und su schdeil do kummd mei vadder her vo eismannsbärch

schaunernoo

alle rechte wolfgang buck

credits

from Kummdmernaham (live), released April 16, 2015

license

all rights reserved

tags

about

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this track or account

If you like Wolfgang Buck, you may also like: