We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Sunndoochnammidooch

from Gr​ü​ne Streifm im Nudella by Wolfgang Buck

/

about

Text und Musik Wolfgang Buck

lyrics

sunndoochnammidooch

di ganz verwandschafd hoggd widder do
am sunndoochnammidooch
es schdinkd nach schranklufd und dabaksdufd
nach balmoliv und bier
di lufd kannsd schneidn wi an kees
und du hoggsd wi af kulln
dei freindi ward hindern dorf af diech
und diech lassns kaffe huln

der onkl georch derzilld vom griech
er kennd genau in russ
und der russ des is a bolschewisd
wummer obachd gebm muss
und su schlechd wor des domols aa widder ned
do wor a ordnung drin
und su an klann hidler braicherd mer widder
und du denksd iech glaab iech schbinn

und du mechersd lieber fodd
und du mechersd lieber naus
und du hassd di ganze sibbschafd
und du häldsders do ned aus

di dande marga schaufld vull fleiss
di doddnschdiggle nei
derzilld vo dera schlechdn zeid
und sinkd im sofa ei
der klaa kuseng schald in fernseh ei
do leffd a schießerei
vur fümf minudn hamsis verbudn
edz glodzns aa mied nei

wenns na bloß ned widder zum saufm ohfanga
su denksd du nu bei dir
obber scho hulns di flaschn as der daschn
in konjagg und is bier
di männer brülln edz dreggerde widz
di weiber kreischn schrill
di gladzn glänzn rod wi bolierd
und dir werds edz zuvil

und du gehsd edz endli fodd
und du gehsd edz endli naus
und du sagsd su wi die sibbschafd
schaud mei lehm amol ned aus

alle rechte wolfgang buck

credits

from Gr​ü​ne Streifm im Nudella, released October 16, 1990

license

all rights reserved

tags

about

Wolfgang Buck image

Wolfgang Buck Bamberg, Germany

Wolfgang Buck - dialektischer Songkünstler aus Bamberg

contact / help

Contact Wolfgang Buck

Streaming and
Download help

Redeem code

Report this track or account

If you like Wolfgang Buck, you may also like:

Bandcamp Daily  your guide to the world of Bandcamp

On Bandcamp Radio

Saxophonist Isaiah Collier chats about his new LP and the influence of Pharoah Sanders.
listen now