Get all 14 Wolfgang Buck releases available on Bandcamp and save 20%.
Includes unlimited streaming via the free Bandcamp app, plus high-quality downloads of Visäwie, Des Gwärch & Des Meer, Vergessn & Widdergfunna, Kummdmernaham (live), Genau underm Himml, Asu werd des nix, Flusszigeiner, Nedsulaud (live), and 6 more.
1. |
||||
| alles hinderlässd schburn |
der beddler auf der bruggn is bereid fier di bargeldlosn zeidn
er had a kaddnlesegeräd in sein abgranzdn beidl
du mechersd nedd zu ihm saa doch es gibbd kaane münzn mehr und scheine
is finanzamd waas alles wall er hängd an der digidaln leine
du hinderlässd schburn hinderlässd deine schburn
der obferschdogg in deiner kärch had a disbläi und an kaddnschachd
aa im freudnhaus gibbsd du dei kondonummer ab fier a liebesnachd
des drinkgeld fier dein nachbern fiers rosnmäha werd zendrol regisdrierd
dei oma schenkder nix mehr zu weihnachdn wallsdu sunsd hardz vier verliersd
du hinderlässd schburn hinderlässd deine schburn
du bisd verbundn middn schwarm
obber aa mid gugl und amazon
di aok kennd dei herz und dein darm
alle liebm dei mobildelefon
schburn alles hinderlässd schburn
der vermögnsberoder dridd am feierohmd in di bedole wi a bleedl
er had a bulsuhr am lenker und a helmkamera af sein gladdrasierdn schädl
wu er rumfährd sichd a jeder und sein bluddrugg und sein buls kennd jede sau
hey wodds äbb di allianz sei beschdadder und di erbm wissn alles ganz genau
wall er hinderlässd schburn hinderlässd seine schburn
mid sein inderfäis im hirn wern seine inneren werde kondrollierd
wir sind di borg widerschdand is zwegglos alles werd assimilierd
machder schbord hadder sex isser mied odder wach hadder hunger odder doschd
zuggerschbiegl kalorien sei urin isser gud drauf odder isnern alles woschd
er hinderlässd schburn hinderlässd seine schburn
bom rewe an der Kassa wersdu gfroochd ham sie bäibegg sammln sie dreuebungde
du sagsd naa bloß bo meiner fraa obber gwieß ned do in ihrer schbelunke
du bisd seldn do normol bschdelld dei kühlschrank alles audomadisch
er beschdelld in siebm schbrohng under anderem in olivisch und domadisch
du hinderlässd schburn hinderlässd deine schburn
dei kühlschrank waaß genau wos du brauchsd doch er verbedzd di bo dein dokder
allmächd wos hamsnern do kaffd drei dofln schogglood edz binni gschoggd nä
der schogglood wor ned fier miech der wor fier mei zuggersüßn enkl
jaja und däss ihr zugger do su nauf is des worn di grilldn hennaschenkl odder wos
du hinderlässd schburn hinderlässd deine schburn
|
||||
2. |
Di Sunna douder goud
04:37
|
|||
| di sunna douder goud |
di sunna douder goud
hoggdi noo
und denk ned droo
dässd di ganze wochn lang achd schdund am dooch
fier nix und widder nix
diech bloung moussd
hoggdi noo
di sunna douder goud
morng sixders suwisu nimmer
|
||||
3. |
Flüchdlingskinder
04:48
|
|||
| flüchdlingskinder |
mier lachn uns scheggerd
mier machn uns gscheid dreggerd
mier greina walls su schee is
mier grinsn walls su bleed is
mier danzn wi der lumb am schdeggn
mier gehm ned noch ned ums verreggn
mier denna schlaue schbrich erfindn
mier denna eich an bärn naufbindn
mier lienga dässidi balgn bieng
mid uns do kennsd di grädzn grieng
mier naschn däss di zäh zambabbm
mier denna in jedn dreeg neisabbm
mier sin barfäßlaafer hungerleider
schbrichbeidl und grimassnschneider
mier lachn ieber uns am masdn
mier sin geerdede phandasdn
mier sin die enkl vo migrandn
di bagaasch vo exulandn
hugenoddn und kroadn
naboleonische soldodn
mausfallnhändler berschdnbinder
messerschleifer flüchdlingskinder
unsre urgroßmüdder hams verdriem
und na sins do hängabliem
mier dichdn und mir reima
mier liebm und mier dreima
mier schbindisiern und obdimiern
mier sin dro gwehnd dässmer verliern
mier kenna schee du wemmer missn
mier sin hinderfodzi und gscheid grissn
in der frieh do sehngmer alles schwarz
doch am ohmd do finden mier an schadz
maikäfer fliech
dei vadder is im griech
dei mudder is in bommerland
bommerland is abgebrannd
maikäfer fliech
im oriend is griech
dei heimad is a drümmerland
morgnland is abgebrannd
mier sin die enkl vo migrandn
di bagaasch vo exulandn
echerländer boddugiesn
griechn sindi und chinesn
judn russn nigerianer
dschechn ungarn und iraner
oberschlesier donauschwabm
eridreer jugoslawm
flüchdlingskinder
mier sin flüchdlingskinder
|
||||
4. |
Dohie wu er will
03:38
|
|||
| dohie wu er will |
der aa scheechd hie der ander der schnaufd her
der aa leffd dabbsi wi a großer older federnder bär
die humbld rieber die ander rumbld nieber
die schdöggld gschäfdi verbei wi im fieber
der näxde rolld sein zendner iebern großn zeä
der anner sichld mid sei baa a großes o
bo dera schwankd der busn majesdädisch hie und her
bo dera wibbder ganz bosierli nauf und noo
iech kennd schdundnlang do hoggn under dera markisn
bo am gmischdn eis des defillee genießn
do hasd dei lusd als vojör dei freid als oddobääd
a jeder wu verbeikummd der leffd annersch bleed
doch er kummd dohie wu er will
di aa die drüggd ihrn hindern raus di ander ihrn bauch
der aane hads im kreiz der ander hads im gnie
der aa der leffd su schdeif dässnern sei fersn schdauchd
und bo dem do is beschdimmd scho der miniskus hie
sixd des grischberla dodd der schdeichd däher wi a bfau
er reggd wichdich sein hals doch isser glenner wi die fraa
wu ihm endgehngkummd und mid ihre langa haxn schlenkerd
der zerschdreide brofesser der flanierd wi wenner denkerd
wer do dibbld und dribbld wer do waggld und daggld
wer do marschierd und schdolzierd und bromenierd
wer do eierd und geierd wer do dänzld und schwänzld
wer do hadschd wer do ladschd wer do quadschd
di aan die schwankn hie und her wi di kamel
di annern kenner ned grod geh und missn drifdn
di aan die drohng a große lasd af ihrer seel
die annern schlebbns mid siech rum af ihrer hüfdn
dohie wu er will egol wi er leffd
er kummd dohie wu er will
dohie wu er will an sei ziel
dohie wu er will
|
||||
5. |
As Eis
04:17
|
|||
| as eis |
es sin ned di syrer und iraker
wu dir sorgn machn
wall wenn die ned do wärn
deedsd gecher ganz andre schdimmung machn
alle die wu annersch sin wi du
und des sin eingdlich alle
lassn diech in deine eigne
hasserfüllde leere falln
es sin ned islam und chrisdn
wu siech gecherananner schdelln
wall die baroln wosdu bellsd
di schdinkn as ganz andre gruhm
du hasd midleid mid dir selber
bis zur unerdräglichkeid
doch bo fremdn leid machsd du a hardes gsichd
und bisd as eis
du brüllsd laud du bisd des volk
doch du wirsders nie mehr sei
di ganze menschnhasserei
deine zeidn sin verbei
|
||||
6. |
||||
| wenni scho siech wi bleed der schaud |
wenni scho siech wi bleed der schaud griechi scho mei wud
wenni scho siech wos der fier a lädschn ziechd
wenni scho siech wi der sei aung naufdrehd
wenni scho siech wi bleed der schaud griechi scho mei wud
wenni scho siech wi bleed der leffd griechi scho mei wud
wenni scho siech wi der goggl däherschdolzierd
wenni scho siech wi der aff däherbromenierd
wenni scho siech wi bleed der leffd griechi scho mei wud
wenni scho siech wi bleed der grinsd griechi scho mei wud
wi scheißfreindli und scheiheili der doldi dud
glei hauin aane in sei bleede waffl dässer blud
wenni scho siech wi bleed der grinsd griechi scho mei wud
dann grinsder fei nimmer du ey
wenni scho siech wi bleed der frissd griechi scho mei wud
wenni scho siech wi der bom saufm sei finger wechschbreizd
wi er schdocherd und ziebfd und miech zur weißglud reizd
wenni scho siech wi bleed der frissd griechi scho mei wud
an su an hals griechi do ey
wenni scho heär wi bleed der schnaufd griechi mei wud
wi arrogand dässer er die lufd durch sei nosn ziechd
und sei bleede waffl ieberlehng nach undn ziechd
wenni scho heär wi bleed der schnaufd griechi scho mei wud
wenni scho heär wi bleed der red griechi scho mei wud
wenni scho heär wos der fier wörder kennd
wenni scho heär wos der fier ausdrügg verwend
wenni scho heär wi bleed der red griechi scho mei wud
wenni scho siech wi bleed der schaud
wenni scho siech wi bleed der leffd
wenni scho siech wi bleed der grinsd
wenni scho siech wi bleed der frissd
wenni scho heär wi bleed der schnaufd
wenni scho heär wi bleed der red
wenni scho siech wi bleed der dudd
griechi scho mei wud
ja servus alder und wie alles balleddi odder
ja wassd doch schlechde leid gehds immer gud
ja find iech aa des machmer auf jedn
nä schausd hold amoll väbei odder dann machmer wos midnander
ja subber 100 bro nä kloär man siehd sich
doldi
|
||||
7. |
Su kammers aushaldn
05:06
|
|||
| su kammers aushaldn |
aberol schbridz
väbei is di hidz
wenn iech do su sidz
schdrandbar biarridz
der wind leggd verschmidzd
an mein aberol schbridz
däzield mer an widz
väbei is di hidz
di sunna schdehd dief
di welln grinsn schief
silbern zwinkerd is meer
der schdrand is fasd leer
boär olde frauen wu dschilln
boär olde männer wu schbieln
aberol schbridz
väbei is di hidz
su kammers aushaldn
ja su kammers aushaldn
su kammers fei aushaldn
su kammers scho aushaldn
am schdrand nach der hidz
di leid mid ihrn blech
die sin su weid wech
di leid mid ihrn gwaaf
die rehng mi ned aaf
di leid mid ihrn schmarrn
wichdichduer und narrn
vo dem ganzn geduh
hob iech do mei ruh
|
||||
8. |
Der Sänger am Klavier
04:30
|
|||
| der sänger am klavier |
der sänger am klavier
waaß immer ganz genau
wos richdich is und falsch
wer di gudn sin und wer di bösn
er singd seine hymnen
wer schuld is und dähinderschdeggd
fier ihn is alles kloär
kanne zweifl wu der feind siech verschdeggd
und sei bubblikum im sool
fühld sich so wohl
in dem schaumbod su voll
mid immer di gleichn akkorde und baroln
na gud suwos muss es alles gehm
doch gehsd du durchs lehm
mid offne aung und ohrn
sixd du af dera weld is su ziemlich alles verworrn
und mer mecherd di ohnmachd
am libbsdn verdreim
und mer machdsi su sein reim
doch es reimd si fasd nix
und wer dir wos annersch verschbrichd
und derzield dir wos vo
dord di finsdernis und hier des lichd
des is alles a uralde gschichd
di reina lehrn hads scho immer gehm
verschwörungsdeorien und is reine lehm
doch kumma di allzu sichern an die machd
kannsd sicher sa däss bol kaaner mehr lachd
und is aanziche wos do hilfd
is der zweifl
allmächd schau doch hie
der bolidische kabareddisd
wie mudich er di merkl dissd
und zum nochdisch aa noch den gabriel frissd
der sigmar had an bauch
bo der merkl lässder
di mundwinkl roo
ja des sin argumende die machn alle froh
und sei bubblikum im sool
fängd an zu johln
bom boliddigerversohln
mid immer di gleichn barodien und kabrioln
na gud suwos muss es alles gehm
doch du gehsd durchs lehm
mid offne aung und ohrn
wall su billich is die wohrheid ned zu hom
kloär mer mecherd di knodn
am libbsdn durchschlohng
doch es gibbd kaane simblen andwordn
af komblizierde frohng
und wer dir wos annersch verschbrichd
und derzield dir wos vo
dord di finsdernis und hier des lichd
des is alles a uralde gschichd
di einfachn lösunga hads scho immer gehm
an seim feindbild blabbdmer gern aweng klehm
dässmer immer glei a meinung had zu an jedn broblem
des gibbd aan su a sicherheid im unsichern lehm
und is aanziche wos do hilfd
is der zweifl
|
||||
9. |
||||
| wenns weh dud sohngsis fei |
herr bugg ihr siemazwanzger had disdol an drümmer groder
schagglien holdns schee den absauchschlauch do nei
do missmer a weng buhrn doch es werd ka groß deoder
zur bedäubung schbridzmers ringsrum a weng ei
sei buhrer der fängd oh zum sirrn ihr schlauch fängd oh zum gurgln
mei bligg der gralld si dief in ihre meergrüna augn nei
iech drügg mei schwaasbedeggde schläfm an ihrn warma körber
er sachd wenns weh dud sohngsis fei obber glei is väbei
und iech sooch alles okee bassdscho alles
den buhrer haldi logger aus doch etz fängder oh zum redn
däzield vo dera heudichn verrüggdn zeid
di kinner denna wossi mehng dena derfsd doch nix beredn
do hads frieher glei a drümmer schelln gehm obber heid
di frauen genna durch und lassn siech heid alle scheidn
und wollnsi selbsd verwirglichn und machn a drara
und ohne zweifl schuld an dena durchgedrehdn zeidn
sin di achdasechzger gwesn gell herr bugg des sohng sie aa
und iech sooch also iech siech des fei kombledd annersch
und er sachd wenns weh dud sohngsis fei
edz kummder aa nu auf die große lüüch vom glimawandl
a summer wi am gaddasee do kenndmer doch nix sohng
in sein gaddn in an gschüdzdn egg do blüha scho di mandln
sei oroschnbaimla had fei heier subber drohng
und dann dozierder weider mier sin doch ned bescheuerd
und glaam die ganze banigg mid der glimahysderie
di bresse und di bollidigg die sin doch alle gschdeuerd
des is doch alles widerleechd gell herr bugg wos sohngnern sie
und iech sooch obber do drundn in bangladesch do saufms ab do schdeichd der meeres
aua
wenns weh dud sohngsis fei
und iech sooch aah aah aah aah aah ooh
so edz schbülmer nu schee gründli aus des wors dann scho fier heid
sie wissn ja di kassa die zohld bloß des amalgam
obber wemmer scho wos machn dann machmers doch glei gscheid
fier die keramigfüllung gehmer ihna di rechnung glei mied ham
und er sachd nä es is doch immer widder schö
wemmer a weng midnander ins gschbräch kummd
do is di rechnung
ooh
und iech sooch aah aah aah aah aah ooh
|
||||
10. |
||||
| mier werfm diech in himml nauf |
du gründlich denker und gerechder
du zord besaideder und grübler
du nichd miedbrüller und du menschnfreind
des lied des is fier diech allaa fier diech
du wusd an dir selber zweiflsd
wusd lieber frohng schdellsd schdadd behaubdesd
mid offna aung und mund di weld beschdaunsd
des lied des is fier diech des is fier diech
mier werfm diech in himml nauf
und fanga diech dann widder auf
du sensibler voller vorsichd
du missdrausd der laudn meinung
sei umarmd du samfder sucher
des lied des is fier diech allaa fier diech
du unverdrossner diblomad
wusd lieber aufbausd schdadd zerdramblsd
du friedensschdifder und geduldicher
des lied des is fier diech des is fier diech
di gudn zweifln an sich selber
di idiodn zweifln nie
warum sin dumme sich su sicher
warum führn gscheide leid su seldn die reschie
ihr gründlich denker und gerechdn
ihr zord besaidedn und grübler
ihr nichd miedbrüller und ihr menschnfreind
des lied des is fier eich allaa fier eich
|
||||
11. |
Di zwaa Hans
04:45
|
|||
| di zwaa hans |
vom aan hans hobbi mei geduld
vom annern hans mei ungeduld
vo dem hobbi aa mei großzügichkeid
vom annern mei gelassnheid
der aa had gern greimde schbrüchle gsachd
der anner had lieber grod naus glachd
doch qualmd hams alle zwaa wi di schlööd
manchmoll do merksd wi di zeid vergehd
der olde hans woär vom sudednland
geh bu hulmer amoll a bäggla schdeuvesand
a mördl a kelln un a wasserwooch
a robbern und baggschdaa des woär sei dooch
der schdifd hindern ohr di blaue kabbm am kubf
a lied dähie bfiffm a hulz in der schubf
ofd binni under seiner musiggdruha gleehng
do drin woär der ernsd mosch iech konndnern bloß ned sehng
am ohmd hobbin gern vom zuuch abghulld
der mond und der ohmdschdern iebern wold
as der lohndüdn hadder fremde briefmarkn zuhng
vo di kolleeng as hellas exdra fier sein buhm
er had si nie gschdriedn aa griech hadnern greichd
di elende gfangaschafd drüm in frankreich
lieber rosn aufbfrobfm schuh nei besulln
lieber nägl grodklobfm und fudder hulln
vo demm hans hobbi mei geduld
vom annern hans mei ungeduld
vom andern hobbi mei großzügichkeid
vo demm do mei gelassnheid
der old hans had greimde schbrüchle gsachd
der junge had lieber grod naus glachd
doch qualmd hams alle zwaa wi di schlööd
manchmoll do merksd wi di zeid vergehd
der häinz der fäinz der finkn dounl der rousnbebb
der häinz der fäinz der doudngräber und alle bessern leid
der junge hans woär vo hinder alddorf roo
geh bu hulmer amoll a bäggla mallboro
a daschn mid akdn und mid bolisn
im bobbmernee immer a boar blaue riesn
am sunndooch hadder kassierd bo di kundn
ach babba däffi mied af deine rundn
hausrod und hafdbflichd bo schnee und bo hidz
jugoslawm und dürkn kaffe slibowidz
ned lang na biechder rei mid an obbl rekord
geh bu hulmer amoll a bäggla lord
eiabobbeia schlof ei und grein ned
na bringder der babba a gudserla mied
er wolld nie mehr arm nie mehr abhängich saa
im zerbombdn nämbärch mudderseelnallaa
wenn er wudi woär hasdi besser verzuhng
wenn er glachd had ham si di balkn buhng
vo ihm hobbi energie und ungeduld
vom oldn bedächdichkeid und geduld
däfier vom junga mei großzügichkeid
vom oldn mei gelassnheid
mei vadder der had gern grod naus glachd
mei oba lieber greimde schbrüchle gsachd
doch scho lang had a jeder am friedhof sei bedd
iech drooch viel vo eich weider bloß raung du i ned
der häinz der fäinz der finkn dounl der rousnbebb
der häinz der fäinz der doudngräber und alle bessern leid
der schwed is kumma had alles miedgnumma
di fensder eigschlohng is blei dervo drohng
had kugln drauß gossn die bauern derschossn
in doudngräber und alle goudn leid
|
||||
12. |
||||
| ieber mier zäing di wolkn |
ieber mier zäing di wolkn
am blaua himml
iech liech schdinkerdfaul
im gros und blos
ganz langsam in rauch
vo meiner zigareddn
ind lufd
di sunna scheindmer af mein bauch
iech wä ganz schläfri
am himml bewechdsi a schwadz binkdlä
und verschwind innerä wolkn
iech mach di aung zou
heär an fliecher fläing
di zigareddn fälldmer as di finger
und rollerd ins gros
iech bewechmi nimmer
wäi ogwachsn liechi dou
|
||||
13. |
Des Meer
04:00
|
Streaming and Download help
If you like Wolfgang Buck, you may also like:
Bandcamp Daily your guide to the world of Bandcamp