Get all 14 Wolfgang Buck releases available on Bandcamp and save 20%.
Includes unlimited streaming via the free Bandcamp app, plus high-quality downloads of Visäwie, Des Gwärch & Des Meer, Vergessn & Widdergfunna, Kummdmernaham (live), Genau underm Himml, Asu werd des nix, Flusszigeiner, Nedsulaud (live), and 6 more.
1. |
Wi a Hamsder in sein Rod
03:59
|
|||
wi a hamsder in sein rod
geh wos rennsdn du su rum hogg di lieber her zu mir
gib amol a weng a ruh dei ärberd rennd scho ned dervo
heär doch midn zabbln auf warum bisdn su nervös
iech waaß du häldsd des ned aus einfach schnaufm und di zeid verdreim
du maansd ohne diech leffd nix du maansd zeid muß vullgschdobfd wern
und bom hoggn blonsd du scho deine iebernächsdn schridd
du bisd immer in bedrieb wi a hamsder in sein rod
wall wer nix dud der is faul und du schbiersd im gnagg di leid ihr gschau
horch wis redn an dein grob immer blabbsd du in ihrn herz
wall du alles fiern verein und di ärberd hergehm hasd
und wos hasdn dann dervo wenns an kranz fier diech schbendiern
glabbsd du a word is do woär wosse sohng wennsd du do undn liggsd
kumm iech schenk der a glos ei drinks schee langsam mid verschdand
bloß a su schmeggsd du di zeid wu der drobfm reifm muss
und der dokder in widdnberch drinkd in aller ruh sei bier
und is evangelium gehd derwaal um ganzn globus rum
drum sei gscheid und schbald di zeid dir ned in minudn auf
am end hasd dann dei lehm zerhaggd in dermine und in zohln
hogg di lieber her zu mir und verschenk an wimbernschlooch
dei ärberd rennd scho ned dervo einfach schnaufm und di zeid verdreim
alle rechte wolfgang buck
|
||||
2. |
Grüne Streifm im Nudella
03:41
|
|||
grüne streifm im nudella
iech hogg jedn ohmd um halba siema
vur der glodzn und du miech informiern
do kummd a schlauer mo im weißn kiddl
und zeichd mier sei neisdes vollwaschmiddl
er lässd miech durchs migroskob durchguggn
iech seech bakderien su riesngroß wi muggn
und er sachd die hoggn af dein sunndogshemd
und genna bloß wech mid dem bulver wos er nennd
wall wenn wos wissnschafdlich klingd
glabd der deidsche wie a kind
zeicheschdob und dokderhemd
sin fier ihn a sagramend
doch wos der inschenör fesdschdelld
do grichd er an haufm geld
und der wu des geld bezohld
der beschdimmd is resuldod
gleich dänoch beissd a fraa nei in an abfl
und demonsdrierd mier ihre weißn zäh
und vo wos des kummd des seech iech schee
an am baggnzohmodell as babbmaschee
der zohnorzd gibd seine kinner kukidond
wall dann wern di klaan vom bösn gilb verschond
des is klinisch bewiesn des is sunnaklor
durch den zohnbudzdesd im vereidichdn labor
di grüna schdreifm im nudella drin des sin
gräuderexdrakde die sin gud fiers hirn
und den safd mid exdra vill calcium
den grieng di kinner jedn dooch sunsd haudsis um
der agraraversuchsbrofesser der embfiehld hormone
fiers rindviech und fier die schdallhosn kondome
di dableddn gecher kubfweh die had nu an zwegg
die is fier klaane babies werdvoll wi a kleines schdeek
alle rechte wolfgang buck
|
||||
3. |
Moxderra do hosderra
05:31
|
|||
moxderra do hosderra
der gerch gäid zu sein nachbern ohoh
dou schdäid am diesch a dellerla vull gelleruhm
der gerch sachd iech ess gelleruhm fier mei lehm gern
und der nachber sachd lang zou die sin frisch zuhng
moxderra do hosderra ohoh
moxderra do hosderra ohoh
der nachber sachd a mamalad hamma fei aa
a neie rhabarbermamalad kannsd aane ham
der gerch sachd a mamaladamala hamma aa dahamm
aber a rhabarbermamalad hamma kanna
dou droum underm dooch afm boudn hommer wolnüss
dou moussder morng ohmd a boär rodroung
der gerch sachd iech blouch miech doch ned wecher a boär wolnüss
lieber dousd du morng zu an wolnusskoung miech eiloudn
nachber du bisd einfach a goude haud
obber aans hobbimi bis edz nu ned frohng draud
iech mäicherd su gern an kuss vo deiner braud
do sachd der nachber a drimmer schelln griggsd des di umhaud
alle rechte wolfgang buck
|
||||
4. |
Wu is mei Heimat
02:06
|
|||
wu is mei heimad
wu is mei heimad
wu bin iech däham
brauch ka dümelei
ka mier sin mier gschrei
iech such an ord
af dera weld
wus menschn gibbd
wu aa a fremder schnaufm däff
mei gesinnung bassd ganz sicher
ned in an moßgruuch nei
und däss iech a frangnschädl bin
do bild iech mir nix drauf ei
obber iech bin drodzdem do däham
wu karbfmweiher sin
und iech frei mi jedn samsdooch
wu der glubb mol widder gwinnd
und iech red di schbroch vom fädder land
und iech heär di leid gern zu
und des onzuuchdeidsch des is su kold
mei gedangn friern do zu
obber wenns edz widder in meiner schbrooch
di schbrich vo gesdern bringa
wär iech erschd rechd af frängisch
ganz andre lieder singa
wall do is mei heimad
do bin iech däham
do hob iech mein underschlubf
wu iech miech loslassn kann
doch wenns zu eng werd
und wenns mier di lufd ohdriggd
dann sing iech a lied fier diech
alle rechte wolfgang buck
|
||||
5. |
Frauen ieber dreißich
04:10
|
|||
frauen ieber dreissich
du schdehsd edz ofd vurm schbiegl
zweiflsd an dir rum
bisd nimmer gladd und lieblich
obber aa nimmer jung und dumm
du hasd an hardn zuuch um mund
und dei gsichd grichd langsam faldn
dei bauch is nimmer fesd und rund
und dein busn den mussd edz haldn na und
frauen ieber dreissich sin kaane oldn weiber
sie ham erschd di power
frauen ieber dreissich lebm indensiver
und wern immer schlauer
du mechersd nimmer achdzenn sa
o mann worsd du do ghemmd
und wenn dir aaner gwunkn had
bisd ihm schee brov nochgrennd
edz drausd di wos bisd voller schdolz
hasd dein eigna kubf aufgsedzd
hasd a feier im bauch ameisn im blud
bloß dei überich des is endsedzd na und
du willsd nimmer die rolln vurschbilln
wu sich irgndwer ausdenkd had
ka reifedamenblusn drohng
wimmers vo brave fraun erward
du färbsd dir deine hoär edz rod
hasders dir edz endli draud
mancher mo grichd vo dir angsd
will lieber mamma und weiße braud na und
du häldsd nimmer dei klabbm,
bloß wall männer des su gwehnd sin
du hulsd nimmer sei schlabbm
bloß wall bubis su verwöhnd sin
du hasd fei echd mehr hirn im kubf
wi su mancher hohe herr
und du mussd diech bloß wos draua
du hasd viel mehr drauf wi der fei echd
alle rechte wolfgang buck
|
||||
6. |
Ciao Antonio
02:15
|
|||
ciao antonio
ciao antonio
machsd dei kneibm dichd
und dann fährsd ham
vur anner wochn
hasd a drohung grichd
bagg zam mier schlohng di ham
mier ham doch immer midnander fußboll gschaud
nämbärch gecher napoli des wor unser draum
du hasd mer manchmol an esbresso schbendierd
und iech hob miech mid an bier revanchierd
iech waaß scho dir wors ofd zu kold bo uns
und du hasd draamd vo bella italia
wennsd du derzilld hasd is is dermomeder gschdieng
obber bo manche daud di eisschichd nie
wos hasdn ihna gmachd
däss se su wild sin
ham die vo gesdern widder wos zu sohng
iech drink su gern an chianti mid dir
a moß mid dena do werds mer schlechd
des kannsdmer glaam
alle rechte wolfgang buck
|
||||
7. |
Live derbei
03:18
|
|||
live derbei
neili hobbi a bänk ieberfolln
su richdich schee mid geisln und bisdoln rumknalln
iech hobmer denkd a maskn hoggi goär ned auf
dann sehng mi alle leid afm fernseh drauf
viel geld wor ned do des is ka malör
haubdsach edz kummd endli bol is fernsehng her
iech hogg scho af kulln wos isn do los
wu bleimnern edzerd zdf und 3sat bloß
geislnahme live derbei
reborder sprach mid leiche af kanol zwei
und iech erklär ihna frei haus
so raubd man bankn aus
zerschd hobbis als liedermacher scho brobierd
obber des is out des hobbi edz kabierd
drum schdehi edz do mid meiner schbridzbisdoln
und ward drauf däss se is fernsehng holn
do kummers ja scho und iech seech alle sin do
die tagesschau und heute und der schbringermo
edz fangi glei o und lass es grachn
der reborder schreid hald denners bidde a weng lachn
mier ziehng des annersch auf su schreid der näxsd
mier bringa des edz aa af bildschirmdexd
sie schaua außerdem viel zu harmlos aus
der masknbildner ziechd sein molkasdn raus
mehngs ned an kaffe mier huln ihna an
mier denna doch alles fier unsern mann
iech drigg meiner geisl a bisdoln an hals
und ess a ard brod mid schweineschmalz
di belichdung is endli ferdi gmessn
und iech bin ferdi midn schmalzbrodessn
di scheinwerfer hams edz aa gscheid bosdierd
iech sogs ja bom fernsehng leffd alles wi gschmierd
edz kummd di bolizei ja was is denn das
naa ned di drei chinesn midn kondrabass
bloß a piep-show fier di bravm leid derham
wu an blud vo weidn ihr vergnügn ham
geislnahme ...
alle rechte wolfgang buck
|
||||
8. |
Sunndoochnammidooch
04:58
|
|||
sunndoochnammidooch
di ganz verwandschafd hoggd widder do
am sunndoochnammidooch
es schdinkd nach schranklufd und dabaksdufd
nach balmoliv und bier
di lufd kannsd schneidn wi an kees
und du hoggsd wi af kulln
dei freindi ward hindern dorf af diech
und diech lassns kaffe huln
der onkl georch derzilld vom griech
er kennd genau in russ
und der russ des is a bolschewisd
wummer obachd gebm muss
und su schlechd wor des domols aa widder ned
do wor a ordnung drin
und su an klann hidler braicherd mer widder
und du denksd iech glaab iech schbinn
und du mechersd lieber fodd
und du mechersd lieber naus
und du hassd di ganze sibbschafd
und du häldsders do ned aus
di dande marga schaufld vull fleiss
di doddnschdiggle nei
derzilld vo dera schlechdn zeid
und sinkd im sofa ei
der klaa kuseng schald in fernseh ei
do leffd a schießerei
vur fümf minudn hamsis verbudn
edz glodzns aa mied nei
wenns na bloß ned widder zum saufm ohfanga
su denksd du nu bei dir
obber scho hulns di flaschn as der daschn
in konjagg und is bier
di männer brülln edz dreggerde widz
di weiber kreischn schrill
di gladzn glänzn rod wi bolierd
und dir werds edz zuvil
und du gehsd edz endli fodd
und du gehsd edz endli naus
und du sagsd su wi die sibbschafd
schaud mei lehm amol ned aus
alle rechte wolfgang buck
|
||||
9. |
Ridder Zwerch und Held
04:30
|
|||
ridder zwerch und held
frieh um fümfa schelld mei wegger
und iech schdregg miech und schdeh auf
verbrenn mei zunga an schwarzn kaffe
hau mi af mei mobedd drauf
und dann fohr iech af di ärberd
schau däss i bünkdli drinna bin
wall do ward af miech mei masder
sachd däss iech a dräumer bin
obber ohmds hau iech dann ab
und iech drämb in a ganz andre weld
iech dauch under in di fandasie
iech wer ridder zwerch und held
und iech reid durch graue sümbfe
zauberspiechl zeichd mier mei schdeich
und iech find dord gold und edlschdaa
und a halbes könichreich
umma aans gehds widder weider
middogsbause is zu end
und iech schbann mei werkschdügg ei
nimm di feiln in meine händ
iech feil als zu wi a besengder
seid drei dooch scho häng iech droo
und di eisnspä flieng durch di lufd
machn silbern meine hoär
obber ohmds ...
kämbf mid an drachn af lehm und dod
wunderblumma bannd an feuergeisd
befrei brinzessina und elfn
danz mid an bardn der durch di lande reisd
feierohmd iech du miech duschn
wasch den schleier vo mier oh
is wasser schbüld den ganzn drodd wech
der schdumbfsinn leffd mein buggl noo
di annern genna edz an saufm
odder denna fußbollschbilln
haua derham siech vur di glodzn
dreffm siech mid ihrer disco queen
obber iech hau edzerd ab ...
neblhexn wolln miech schreggn
böse zaubrer miech verzaubern
machn schdark miech in mein kubf drin,
lass mier mei fandasie ned raubm
alle rechte wolfgang buck
|
||||
10. |
Resdrisiko
04:29
|
|||
resdrisiko
schöner schnucki lucki bisd a charmander moo
du sagsd dausnd frauen sin fier miech ka risiko
mer muss bloß obachd gehm däss nix bassierd
und wens derwischd der is schee bleed und ausgschmierd
edz schibbsd an kinnerwohng durch di gassn vo der schdadd
und sixd däss alles sei resdrisiko had
di mami vo dem kind is bloß ka subberfrau
du bisd bloß nu halb su haaß obber dobbld su schlau
resdrisiko resdrisiko
des is wenns dausndmol klabbd und amol hauds ned no
general der air force bisd a zaggicher moo
du sagsd bei flugshow there is no risiko
di männer di ham alles dausndmal brobierd
und abgsehn von paar totn is noch nix bassierd
di jungs flieng midd ihrm schbielzeuch haldn bisschen tief
des resdrisiko we have absolute im griff
and now piss off bisd du immer noch da
du hasd wohl was against america
resdrisiko resdrisiko
des is wenns dausndmol klabbd und amol hauds ned no
minisderbräsidend vo bayern worsd a schlauer mo
hasd gsachd des wackersdorf des is ganz ohne risiko
di boär mark die schiddln mier ganz logger asn arm
fier di gressde anzunehmende unsinnsfarm
hasd gmaand di oberbfälzer die sin su schee bleed
bevur di wos merkn do is eh zu schbäd
do hasd di a weng deischd af deiner höh
edz gibds dodd kichnmixer und bmw
resdrisiko resdrisiko
des is wenns dausndmol klabbd und amol hauds ned no
alle rechte wolfgang buck
|
||||
11. |
Hamwärds
03:13
|
|||
hamwärds
vur mier griechd a rods band
schaddn huschn am schdrassnrand
leidblankn schießn an mier väbei
moonlight sound as bayern drei
modor leffd ruich und einwandfrei
und iech bin leichd und frei und es gehd hamwärds
hinder mier zwaa gude schdund
mid gude leid wu zughorchd ham
wu gschbannd ham wos iech sohng hob wolln
und ned bloß af di gägs gwadd ham
und aa leise dön gschbierd ham
und iech bin leichd und frei und es gehd hamwärds
die nachd is durchsichdich und klor
wenn iech su schbäd durch frankn fohr
di mondsichl is a fingernogl
zeichd mier in weech ham in mein schdodl
däham ward a warms bedd af miech
und iech bin leichd und frei und es gehd hamwärds
und sie wachd auf wie worsn heid
und iech sooch gud worn gscheide leid
iech hob miech zwoär a weng verschbilld
obber machd nix des is ned su wild
sie sachd gud nachd und drehd si um
und iech bin leichd und frei und bin däham
alle rechte wolfgang buck
|
Streaming and Download help
If you like Wolfgang Buck, you may also like:
Bandcamp Daily your guide to the world of Bandcamp